Ninge 66
66
A nianga tupas no tunotuno nong i kure ira ut na ninge: a ninge, a ninge na lotu iakan.
1Muat kup ma ra gungunuama uram ho God, ira tunotuno bakut.
2Da inge utano minamarine no hinsana.
Da tar ra tamat na pirharlat tana.
3Tange ta God, “Pai a malmaliana ira num gingilaan!
I manga tamat no num dadas,
kaik ira num ebar diet rurungo pas ugu.
4 #
Nng 22.27
Ira tunotuno bakut diet la singsinga bukunkek taar taam.
Diet inge ra pirharlat ukatiga ho ugu.
Diet inge ra pirharlat ukatiga hono hinsaam.”
5Mai, ma nu nas ing God i te pakile,
ma nu nas mah bia pai malmaliana ira uno pinapalim wara gaena ira tunotuno!
6 #
KBk 14.21; Nng 106.9; Jos 3.16 Ga pukusane no tes i hanuat mamasina katon na pise.
Diet ga haan balos no tes.
Kaia, dahat na guama ta God.
7 #
Nng 11.4
I harkurai hathatikai ma no uno dadas.
I nesnes murmur tar ira kantri.
Waak bia ira ulpat diet iamiamul ie.
8Muat ira matanaiabar, muat na pirlat no nudahat God.
Da hadade ira numuat kinakel na pirharlat uram ho ie.
9I te hakabet dahat tano subaan na nilon,
ma i te balaure dahat ma dahat pai surmalagir.
10 #
Jop 23.10; Nng 17.3; Ais 48.10; Sek 13.9; 1Pt 1.7 Augu God, u te walar het.
U te hagamgamatien het hoing di la hagamgamatien ra siliwa.
11 #
Kra 1.13
U ga lam hawaat tar mehet narako tano katon na harpidanau,
ma u ga hapupusak tar mehet ma ra tinirih.
12 #
Ais 43.2; 51.23 U ga waak tar ira tunotuno bia diet na papaas kora ta ira ulu mehet.
Het ga haan kutus ra iaah ma ra taah,
iesen u ga lamus hawaat het taar tano taman ing het na lon timaan kaia.
13 #
Sav 5.4
Iau ni hanuat ukai tano num tamat na hala na lotu ma ra hartabar ing di la tuntun,
ma ni hatutun no nugu kunubus ukatiga ho ugu,
14ira kunubus ing no palabulugu ga hasasalim ma no hagu ga tange,
ing iau ga kis taar ra ngunngutaan.
15 #
Nam 6.14
Iau ni hartabar ma ra tumtubuana wawaguai ukatiga ho ugu,
ma tiga hartabar na tunaan na sipsip mah.
Iau ni hartabar ma ra tumatena bulumakau ma ra meme.
16Muat bakut ing muat ru God, muat mai, ma muat na hadoda.
Iau ni hinawase muat ta ing i te gil wara gaegu.
17Iau ga tataau uram ho ie ma no hagu.
A pirharlat tupas ie ga kis tano karamegu.
18 #
Jn 9.31; Snd 28.9; Ais 1.15; Jm 4.3 Ing bia iau nigi hakabet ra magingin sakena tano balagu,
no Watong pa gor hadade iau.
19Iesen tutun saakit, God i te hadade,
ma i te taram no ingagu ing iau sasaring.
20A pirharlat uram ho God,
nong pai malok se no nugu sinasaring,
ma pai rut bat no uno harmarsai tagu.
Currently Selected:
Ninge 66: gfkNTP
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
