Ninge 64
64
A nianga tupas no tunotuno nong i kure ira ut na ninge: Devit ga pit iakan ra ninge na lotu.
1God, taram iau ing iau tange hapuasne no linge i hatirih iau.
Balaure no nugu nilon ta ira linge ira nugu ebar diet haburut iau bia diet na gil tagu.
2Suhe iau ta ira harpingit kumaan ta ira ut na sakena,
ma suhe mah iau ta ira matanaiabar na ut na gil nironga ing diet harharat.
3 #
Nng 140.3; 58.7 Diet tes haiaan ira karame diet hoing ira wise,
ma diet tulus tar ira udiet nianga ho ira rumus na harbing.
4 #
Nng 10.8; 11.2 Diet laplapot mekaia ta ira katon na munmunua taar tano tunotuno pai gil ta nironga.
Kaik at mon diet laplapot ukaia ho ie ma taie ta bunurut ta diet.
5 #
Nng 10.11
Diet haragat harbasiane diet ta ira udiet lilik wara gil sakena.
Diet iangianga wara suhsuhe ira udiet kuun,
ma diet tange bia, “Sige i tale bia na nes leh kaike ra kuun?”
6Diet pingit ira linge ing pai takodas ma diet tange,
“Mehet te tagure tar tiga lilik ing i manga tale bia mehet na petlaar ie.”
A tutun bia ira lilik ma ira bala diet ira tunotuno i manga kangkonga.
7 #
Nng 7.12,13 Iesen God na lapot diet ma ra rumus.
Kaik at mon God na bul hasur diet.
8 #
Snd 12.13; 18.7; Kra 2.15 Na halilie ira udiet nianga tus ma na tahurus taar ta diet ma na haliare diet.
Diet ing diet nes diet, diet na lawa ul tar ta diet.
9Ira tunotuno bakut diet na burut,
ma diet na hinawas palai ta ira pinapalim ta God,
ma diet na lik murmur asa ing i te gil.
10 #
Nng 11.1; 32.11 I tahut bia ira ut na takodas, bia diet na kanakana tano Watong,
ma diet na barahit tana.
I tahut bia diet ing ira kaati diet i gamgamatien diet na pirlat ie.
Currently Selected:
Ninge 64: gfkNTP
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
