Hinimuan Tongod to Soini no Mgo Hinimuan
Tongod to Soini no Mgo Hinimuan
Duktur ka nigsulat to soini no mgo Hinimuan, no si Lukas ka ngaran din. No ka soini no ingkasulat din, sumpul to sikan no an-anayan no insulat din tongod to mgo hinimuan woy ka pogkamatoy woy pogko-uyag ni Hisus ligkat to kamatayon din.
To soini noMgo Hinimuan, ogkabasa ta ka pogbatun ki Hisus dio to langit woy ka pogdatong to Gimukud to Magboboot dio to mgo nigtuu ki Hisus, woy ka imbulig din kandan oyow kono og-ulung-ulung sikandan to ognangonnangon to kinagian to Magboboot dio to agad hondoi. Woy ogkabasa ta ka mgo hinimuan to mgo suguanon ni Hisus ka impohimu to Magboboot kandan no igmalogot to soini no Maroyow no Nangnangonon tongod ki Hisus dio to agad hondoi no mgo ugpaan. Woy innangonnangon ni Lukas ka mohon-ing no ingkabayo to songo otow no si Saulo no nig-atu to pogtuu ki Hisus, di pogkalugoy nigtuu on woy nohimu on no suguanon din woy nighingaranan on ki Pablo. Taman to napirisu on si Pablo, nigdumaruma si Lukas kandin to ogpanagpitsagpit dio to agad hondoi no ugpaan, no waro din ongkori.
Ka Ignangon to Soini no Sulat
Ka pogpanagana to mgo suguanon ni Hisus woy ogpamalogot to in-anad din 1:1-26
Ka impamalogot dan ki Hisus dio to Hirusalim 2:1 – 8:3
Ka impamalogot dan ki Hisus dio to Hudia woy dio to Samaria 8:4 – 12:25
Ka impamalogot dan ki Hisus dio to mohon-ing no mgo ugpaan 13:1 – 28:31
a. Ka an-anayan no poghipanow woy ki Pablo 13:1 – 14:28
b. Ka poglimudlimud to mgo pogbuyagon to mgo nigtuu 15:1-35
c. Ka igkaruwa no poghipanow woy ki Pablo 15:36 – 18:22
d. Ka igkatolu no poghipanow ni Pablo 18:23 – 21:16
e. Ka pogkapirisu ni Pablo dio to Hirusalim, woy dio to Sisaria, woy ka dio to Ruma 21:17 – 28:31
Currently Selected:
Hinimuan Tongod to Soini no Mgo Hinimuan: atd
Highlight
Share
Copy
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.