Popular Bible Verses from JON 6

Share

Jisu halatum aphan pulo, “Chethe ahim neli helo, neli long kevang abang aling kaita ingchirchedetji; neliphan kekroi abang aling kaita ingit-edetji.

Arnam a-Karjongsi chethe pi. Monit ajakong penke la thangta klem un-e. Neli nanglitum aphan nangkeputang alam hei hei ke chethe kepi a-Karjong vanlo.

Kevirdetji a-an kelongji aphan klem chepadukri bonta kejut un-e achethe kelongji aphan kevir un-epin a-an kelongji aphanle klem chepaduknon. Monit a-Sopo nanglitum aphan labangso a-ansi nangpipo. Pima labangso akam kepaklemji aphan Po Arnam alanglithak sap thengtang-lo.”

Pima ne-Po aning kehangke lahelo, Sopo aphan kethek-long lapen kekroi atum an kejut un-e achethe long nangji. Lapen mo kejut arni neli halatum aphan pa-rengsi pathurji.”

Jisu thakdunsi pulo, “Arnam aning kehang akam ke alangli nangketoitang abang aphan kekroi helo.”

Neli-Po neliphan neli kepi atum an neli long vangji, lapen neli long kevang abang aling aphan neli phlungphledetji.

Simon Pitor alangliphan thakdunsi pulo, “Netum komat alongsi kedam-jilangma, Hemphu? Kejut un-e achethe alam hei hei ke nanglongsi do.

La sining pen kevang chethe kepi ahim ke neli helo. Labangso ahim kecho abang aling ke kejut un-e akai anta rengji. Neli alangliphan kepiji ahim ke nelimethang abang a-ok helo. Pirthe kerengthekji aphan neli labangso ahim pi.”

Neliphan neketoi abang, Po-le nangtum aphan nelong nang-pateboktoitete baduta nelong vang un-e. Lapen mo kejut arni neli alangliphan parengsi pathurji.

Pima sining angsong pen vangsi pirthe amonit atum aphan chethe kepibom abang helo Arnam kepi ahimlo.”

Chethe ahim neli helo.

Jisu him enpetsi Arnam aphan kero pilo, lapen hadak kangniphrong amonit atum aphan la paronlo. Lang a-ok penta alangli lasonsi klemlo. Halatum un-an cholo. Halatum ingkrangling aphi alangli asangho atum aphan pulo. “Hala ke-ik-un-e ahin an pangrumnon, ilitum la asapta pavir nangne.”

Sangho atum mali kethom-phli anbak akehelo telong vekdet aphi Jisu lang athak akeng pen damsi telong anat kevangbom halatum thek-long-lo, lapen halatum pherelo. Ansi Jisu halatum aphan pulo, “Phere nangne, ne lema!”