Popular Bible Verses from Maakɨ 6

Share

Wɨdɨna yesara mwaaidapi kwalaalyara bulawɨ'nyaagaidɨvɨ' wodaapi pwara bulawɨ'nyɨna yadaapi Jizaazalyɨ gamɨrerajɨ wapaaya nya'negaa' mwarina.

Sɨnna tɨka wɨda'daa'nyɨ Jizaazai wɨdɨna “Pwara Gotɨyare wɨ'nawɨjɨwaakyarɨne yaya' yɨlaaya makimanɨga'. Kɨrɨ' gamɨre kwaakeba mwaalyarajɨ kwɨya'mwerajɨ gannya angevɨ mwaaihasajɨ sa gamɨre yaya' mamakɨlyɨvanɨga'.”

Yɨ'ma'na yevera aalɨbumaangevɨ mwaaidapi gamɨ kwaakevakɨ bwalamwaaina yaka dara wanganake' “Kwala bwa'naanya naange' daaka!” Daka “O, a'mwe dara a'mwe da jɨlɨkyaawarya sipɨzipɨya yɨ'dɨvaidei maaya yaasɨwa'na mwaaihava.” Sara dɨna yake'na gamɨre kale wiadaa'nyɨ yagaala kwalaalya gaai wɨjɨwaakɨna yɨna ya'.

Sara wɨdɨna yaka angeba saba dɨragɨnya ya'ne aane pɨnɨ kɨnɨ mya'. Kɨrɨ' nalaavɨnaka pwaina pwaina, pɨrɨ'na pɨrɨ'na ata kudathɨwaga' tewaanya mwaalɨna ye'. Sara yesa'na dɨna “A'mwe kwalaalyara nɨmɨnyɨna manyɨlɨmwagyɨwaava!” Sara yesa'na maru'na'na ya'. Sabanne angebanna wɨjɨwakamarina ya'.

Sana sana mwaalɨna kye' Jizaazai gɨrɨkula atɨlya dazajɨ jawɨnya pwaraalyɨ maaraka sɨgunyavina maranganaka Gotɨyarɨna “Su! Wapaaya danna gɨmɨre yaya' makimwa,” wɨdaka gɨrɨkula gunyɨna gunyɨna yaka gamɨreraavɨna wɨmaarina a'mwe kwala naanga mwaaidapɨjɨyaraavɨna yanga wɨmuja'ne. Nabaai jawɨnya pwaraai mɨlɨkɨna mɨlɨkɨna yaka yuyaraavɨna yanga jaapalawɨmuda'. Kajaapalawɨmuda' tɨka nyɨna kye' munya yunebanna kwina' pɨnɨ warɨna nɨganakesa warɨna kya' gamɨrera maarɨna yeva jawɨnya sara nɨganaketa maarɨna yeva gɨlya atɨraai sɨvɨlyɨrɨdaa'nyɨ pukaalyangɨ maramihyeku'na ye'.