Popular Bible Verses from Matɨyui 4

Share

Sara kuda' ma'maa'na ya' “Dara dɨnɨ' ‘Bɨretɨya gave naja' kuryarɨ dɨragɨnya wɨjaaya'ne'na mɨ'. Aawa. Yagaala gazasa' Gotɨyare maangevɨ wɨdake' kuryarɨ dɨragɨnya wɨjaaya'nesɨ.’ ”

Sara kuda' Jizaazai wɨda' “Saataanɨ, dɨwo! Sare' dare'nesɨ. Dara dɨnɨ' ‘Naangei gɨmɨre Gotɨyarɨ yɨlaaya dɨmarya! Yɨsaraavɨjɨ sɨlaangeraavɨjɨ yɨlaaya minna! Gotɨyai gaverɨ yɨlaaya ja!’ Sara dɨnɨke'na Saataanɨ dɨwo!”

Sara kuda' Jizaazai yawɨraka “Saataanɨ Gotɨyare bukuya' kayaa'na marayɨwaka,” wɨda' “Yagaala pɨrɨ' dara dɨnɨ' ‘Naangei gɨmɨre Gotɨyarɨ yaamɨjɨ minna! Yune gɨmɨre yawɨsa' yɨjaigɨ dara myawɨ'dɨnna! “Gotɨyai yaasɨwa'na nyɨgaimwagatheinyɨra.” Sara myawɨ'dɨnna!’ ”

Sagaa' Kotɨya Maryadei Jizaazarɨ yaamɨjɨta ya'nerɨ a'mwamaayaba Kuryai yɨbwarɨdaakuna. Yɨbwarɨdaakuna kya' sawɨta a'mweraare sɨvɨlatɨraalya wavɨla'daa'nyɨ wapaaya manya'. Wapaaya manyakei mɨjɨka wia'.

Tɨnna wanganna yaka wɨda' “Saraaihi dɨnyɨmɨdɨnaabyi! Jawɨnya maa'ditabaaibɨ' Gotɨyarɨne a'mweraavɨ maarya'neraaihɨrɨ yɨhɨzɨwaakɨdeinyɨ.” Sara kuda' yɨme'nya'bɨ' sadaraai jawɨgɨlya' yagalya'ma'na yagɨla mɨdɨnna yagi.

Sagaa' Jizaazai mwaalaka yagaalya' gaai wɨjɨwaakɨna. Wɨjɨwaakɨna yada wɨda' “Kayaa'nanyabwi wasɨ'na'gɨzɨ mudɨkebwi jawɨramaaka! Sare' dare'nesɨ. Sɨgunyavɨ mwaalɨkei nemaremwaaladehaa' aya kɨgaa' yɨma'nɨwake'nanyɨra.”