Popular Bible Verses from Lukɨ 23

Share

Yɨsavɨri kurame' Jizaazai wɨdɨna “Nɨmwaigɨ, kumɨre kayaa'na yɨwaata davurɨ tɨvɨkɨta dɨmarasɨka! Sare' dare'nesɨ. Yɨvanɨgata dahɨbwina myawɨryarera.” Wɨdɨna kya' aawɨlasara gamɨre kwaabɨyɨvɨta saza maramunyɨna yeva saatuyara gɨrɨda'gɨrɨdata yeva pwai wavɨlavakei pɨvaa' maarɨna. Sana sana yeva yuyara yunebanna maarɨna.

Dɨna kya' sai wɨdɨna “Nebulya'na gɨthɨwa ‘Yuna dahaasagaa' nɨmɨjɨ anga Tewaanyaba dɨmwaaide'nanyɨ Parathaazɨ.’ ”

Wɨdɨna yaka wɨdɨna “Jizaazaigɨ, dɨvi dɨragɨnna maremwaala'gɨzɨ nɨmɨnyɨna nayaa dɨnyawɨ'deigɨnyɨ.”

Sagaasagaa' Jizaazai jaka naanga dɨragɨnna wɨdɨna “Nɨmwai nɨmɨre kuryai gɨmɨre asɨrɨ gwakɨwana.” Sai sara wɨdɨna yaka gannya kuryarɨ yaasɨna.

Kaanya makuna yadɨvɨ' pɨba Gɨlemɨnyagɨnyaba wo'nɨkebanna yɨ'mavaawɨna yevegaa' dazahɨba gamɨnyɨ yɨsavɨri wɨrame'. Nabaai a'mwe kayaa'nanya saraai kwaraarɨjɨ yerame'. Pwarɨ gamɨnyɨ aangasɨmagɨ tamɨna, pwarɨ kwanaamimagɨ tamɨna.

Nyɨlyagaa' sɨrɨgwajahaa'bɨsagaa' yɨma'nyɨna kya' nyɨlyai balɨna. Sarevɨ jɨhɨnya' anga yuneba jɨnnaraka yune sawɨ'jɨhɨnya' tɨri kɨlokɨyagaa'na sawɨsɨrɨ. Yɨrɨke' yɨmaanyɨna yaka dɨvidaa'nyɨ Gotɨyare Angevɨya kwaabɨyɨvɨta naange' jɨkɨ'nadaa'dɨ'nyɨya janne sa' yuneba kayaaka lihɨ'na yɨna yaka pɨvakaai yɨma'nyɨna.

Yaasɨna kya' aawɨlasaraavɨ maremwaaidei dazangɨ tɨnna wanganaka Gotɨyarɨne yaya' munyaba makɨlaka sai dɨna “Yuna nebulyasɨ. A'mwe dazai yuna yɨda'maraangelyɨra.”