Popular Bible Verses from Maleko' 6

Share

Ne'mine ikevo evene' muki' ingine engita igi vigi igi nizavo noso' nite' nalizani' gamenesi ivile' ogavo nemu' Izesu' ti' lo lo-ngimine': La'lisetevo' vo evene' nizamada haza guviselo' mine gelo minelone.

Ne'mine ikevo Izesu' ti' lo lo-ngimine': O'moso'mi veleti' gamazi li soto' i ngimaa' ave polohete engikumu' nene evene' muki' gilavo dizisa minaa' naha engi' misubo'ningu' aleve netesi engi' zuho gihile lamine' netesi ido' engi' numu'nine gihileu' ingaa' nave ingine netesi nene engikumu' gilavo dizesa'mine' ne'minosa nazasi nouve lo line'.

Vi hetelikevo Izesu' sipiuti' nolemo evene' vai' di gese' igi nizavo ningo ingine nene sipisipi izelo' gizebo oga' ive ma nomivo gopo monaa' nani' ne'mine igi minikevo engikumu' muluno hukavo api' ogo inite' muki' apize ngemo minine'.

Ne'mine lo a'mida nene O'moso'mi amuzo do soto' ogo ato' nite' amiline' ogavo inite' gizi dave hamo hamokovo' anadunu' oko'nido' doka' doka' ogo do lamine' o-ngidine'. A'mine numuda aleve ingine gili imamangumu' nene gala muki' giline'. Ne'mine ogavo aza numudo' numudo' mono mono' lo-ngeme ngeme' ogo minine'.

Ti' igi nizavo sikoni faef nesi (5) alaha' sita' nesi nene do Okulumota vonu' noogo O'moso opo'ni lo a'mine sikoni nene gito apilo izipahala zuho nete ize' mili evene' ngimilizave lo ngemo alaha' setakisi do gito ize' molo mukito' ngimine'. nGemavo evene' mukito' ni gatu'ine ani'. Gatu'ine ogavo sikonisi alahakisi lumo hulani' nene gizeka' igi gosuvaha' tuvelu (12) ne'mine mili vai' lani' ve.