Popular Bible Verses from Maleko' 13

Share

Neni' gulive'ne di minilizangumu' evene' muki' nete nene lengikumu' goloso gililisave. Ne'mine ilizaha evene' ma nenikumu' ha gili ele'vole' igi mini huli-nidamavo gamene naba iline' nene O'moso'mo do ngu' izeleseive.

Soto' iline' gamene nene nanihe' nolihe lingine ma gilamanaze. Ehe' igi gizebo igi minilo.

Ido' adido' di lengele'mizi gonito' milalisa navo ma nani gamazi lolone li gatine muki' gilamilo. Lengi' gamazi nomive. O'moso'mi Sikalahu' ei' gamazi lilisanaze. Asi O'moso'mo a'mine gamenelo' gatingu' do soto' iline' gamazivo' nene lilo.

Okulumoki misubogi nene ha vi osu' lilisasine'za a'mine gamazi'ne nene mo osu' lamo ele'vole' ogo mineleseive.

Ne'mine o neine'za a'mine soto' iline' gamenemu' nene ve hamolitesi ma gelamune. Ido' Okulumokuko angelolesi nene gilamave. Ido' O'moso'mi gipele nazasi nene ma gelamuve. Me'neho ei' hamo' nene gele neive.

Ido' lovo soto' neivo nigili ma ido' ebe' mala mala lovo soto' neivo ne'mi gamazi nigili ma upuho' igi golise gilamilo. A'mine inite' nene soto' oloseiha inite' vai' osu' liline' gamene naba nene a'mido' olihe soto' amive.

Numuno meleho aline' gamene nene nivenga' alihe holuka' olo'mudise alihe go' nuvonuvo neivo nehe go' lo labana' elelesa neivo nehe lingine gilamanaze. Lite' lo ogo ingi nizavo ningalize. Nemu' gizebo lamine' igi minilo. Lengi' nolo-lingimuvoni' gamazi mene evene' mukikumukisi nene noluve. Gizebo lamine' igi minilo.

Ido' misubo mau' vete misubo mau' vesi lovo hizilisave. Ido' guvelesi ve naba mali'mi zuhote guvelesi ve naba mali'mi zuhosi lovo hizilisave. Misubo ato atota mimi' oka' oka' oloseive. Ido' ga'na naba helaa' gamene nevosi nene soto' oka' oka' oloseive. Venelite izipe gidilisa mulumo api' igi gili gilika' gilika' i'mi i'mi navo alinge' izipaha'ine soto' oga' neive. A'mine'mine ogo a'mine mulumo nite' soto' iline' nene ha api' iline' nenako nemu' nene gilika' gilika' i'mi navo alinge' naza soto' olosuve.

Ne'mine ilizani'za gamene naba olihe amivo gomu' nene mono' gamazi lamine' di hutile' igi li soto' i-ngimikevo evene' zuho ato ato' mukita voloseive.

Evene' muki' nete nene neni' gulive'ne igi a'mine O'moso'mo do lungu' izelive lo nimiselelesa live ma nene na'mo nouve li go'ine izi evene' muki' ngele'mize gopo ilisave.

Ido' lingine nene ehe' igi ningisa minilo. Kanisole'nido' gonito' lengele'mizi milalisave. Mono' numu'ningu' lingibililisave. Nenita gi'mizi minangumu' ve li gonito' lengele'mizi milikevo guve'inesi ve nabaliti ve'nidokisi ngamani nabaliti ve'nidokisi oti mini neze monovo'ne li soto' igi li-ngimilisave.

Ido' nanitekumu' ve. Evene' ma nete soza li linge ma O'moso'mo do lungu' izeline lo nimiselelesa live nouve li ido' linge ma O'moso'mi gamazi lo soto' oga' nouve polohete nouve li soto' igisa O'moso'mo ei' ve lo ngele'mize kegesine' evene've nene go'ine izekunivo le'metilizahe li ngele'mize gopo ilisa ato' nitekisi evene' golize laa' nitekisi di soto' igi ngelebizilisave.

A'mine mulumo nite' soto' ogo mineline' gamene osu' lavo alinge' nene holi'mi labanala nolihizivo ike'ni'mi labanala osu' lavo sonohi' nene okulumokuti' di'mozi' mozi' navo okulumoku' amuzo'inesi nite' nene mo'mongo' i gese' navo