Popular Bible Verses from Lukaš 5

Share

Sar dovakerďa, phenďa le Šimonoske: „Dža la loďkaha dureder andro bareder paňi a čhiven o siti, hoj te chuden le riben.“

O Šimon leske odphenďa: „Rajeja, caľi rat pes trapinahas a ňič na chudňam, ale pre tiro lav čhivava o siti.“ Sar oda kerde, chudle ajci ribi, hoj až o siti lenge čhinďonas.

Ale ov džalas korkoro pre pušťa, hoj pes ode te modľinel.

Na avľom te vičinel le čačipnaskren, ale le binošnen, hoj pes te visaren le binendar.“

Sar oda dikhľa o Šimon Peter, peľa pro khoča anglo Ježiš a phenďa: „Dža mandar het, Rajeja! Bo me som binošno manuš!“

O Ježiš lenge odphenďa: „Le sastenge na kampel doktoris, ale le nasvalenge.

A sar pricirdle o loďki ko brehos, omukle savoro a gele pal leste.

Jekhvar sas o Ježiš andre varesavo foros, kaj sas malomocno murš. Sar dikhľa le Ježiš, banďiľa anglal leste pre phuv dži pro muj a mangelas les: „Rajeja, te kamľalas, šaj man sasťares.“ O Ježiš nacirdňa o vast, chudňa pes lestar a phenďa: „Kamav, av sasto!“ A takoj sas žužo andral o malomocenstvo.

No o hiros pal o Ježiš pes furt dureder rozľidžalas. But nipi pes zdžanas, hoj les te šunen a hoj len te sasťarel le nasvaľibenendar.