Popular Bible Verses from KASAUKAN 28

Share

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

Bigor TUHAN ra sapapa' ri Jakub am indagu, “Aku noyo TUHAN i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

Karat boo i Jakub am indagu, “Soroi TUHAN ragiti! Soroi Io ragiti am kalo nakapandai aku!”

Pagibot boo i Jakub, kono, “Amon ru indanganon am sindungin aku ru TUHAN ra ugar kutu, am aniin No aku ra akanon am bayangon, suku' ra aku makasaguli' ra matanda' ra baloi ri ama' kuli, Okou noyo i Aki Kapuuno' kuno. Batu pangkaraan ra pinotolorog kutu masauk ra intok sumamba Rirun, am aniin Tokou ra sampiopor intor ra ngaangai' ondo' pataakon Muno raki'.”

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

Inggalani' no intok raginio Bitil (Galing i ininggalanan intok raginio ra Lus).