Popular Bible Verses from KASAUKAN 17

Share

Paat umur ri Abram siam ngoopor am siam ngambilor, minintalang TUHAN riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

Ginio ra inggalan muno sala' boo ka i Abram kaa' i Abragam sabap masauk kou ra kinamatuaan ru masuang bansa'.

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

“Gitio noyo bantu' Kutu rirun: Bantu' Kuno ra okou masauk ra kinamatuaan ru masuang bansa'.

Kaa' indagu i Aki Kapuuno', “Kalo, andu' muno i Sara maganak ra sangulun anak ungkuyon am inggalanin mu ri Isak. Suguton Ku bantu' Kuno ra anak no am papag nano ra sabubuoi no. Nabantuan Kuno mantilayun.

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

Igulatur boo i Abragam, kaa' masuatan io paat mangkara' ra, “Kalo noyo lair sangulun ungkuyon ondo' makaumur maatus ngambilor makaanak poyo? Kalo noyo lair maganak i Sara ra kinatuo nano ra siam ngoopor ngambilor?”

Indagu boo i Aki Kapuuno' ri Abragam, “Pai' boo sabito' andu' muno ri Sarai, intor raino inggalan nano i Sara.

Intor raino musiti' mu sunatin moonong anak ungkuyon ondo' makaumur balu' ngoorou, makaaya' ulipon ondo' inanak ra baloi muno kapoam ulipon ondo' binali intor ra bansa' ru bokon. Sunat no masauk ra tatandu' ru nabantuan Kuno rirun.

Kaa' suguton Ku bantu' Kuno ri Isak anak ungkuyon muno ondo' anakon ri Sara ra sambilaran olo'-olo' koson paat ragitio.”

Intor raino musiti' mu sunatin moonong anak ungkuyon ondo' makaumur balu' ngoorou, makaaya' ulipon ondo' inanak ra baloi muno kapoam ulipon ondo' binali intor ra bansa' ru bokon. Sunat no masauk ra tatandu' ru nabantuan Kuno rirun. Ginio ra musiti' moonong ungkuyon sunatin am sunat ti masauk ra tatandu' ru inan ondo' mapakito ra nabantuan Kuno rirun mantilayun.