Popular Bible Verses from 1 JUANIS 4

Share

Ulun ondo' nakaliman ra togom ri Aki Kapuuno' kalo malaa'. Sabap ra togom ra tumilayun no mamuso ra ngaangai' pangkaraan ra malaa'. Intor raginio, osoi ayuk malaa' no, kalo poyo nakaliman ra togom ri Aki Kapuuno' tumilayun riso, am ulun raginio malaa' ra pangukuman no.

Kaa' pabukat kau ngaangai', akau intor ri Aki Kapuuno'. Naanggal min nabi-nabi magabau sabap ra mokoondo' kau ra Ambiluo ondo' makakuasa' toojo intor ra ambiluo ru ulun ru tana' ti.

Mokotogom takau sabap ra i Aki Kapuuno' nakapagulu motogom ritakau.

Pabukat kau ngaangai' ondo' tagamin ku! Kotogom kano ra rondo' am bokon, sabap ra togom ti intor ri Aki Kapuuno'. Ulun ondo' motogom, io no anak ri Aki Kapuuno' am nakaulig io ri Aki Kapuuno'.

Ulun kalo motogom, kalo makaulig io ri Aki Kapuuno', sabap ra i Aki Kapuuno' noyo togom.

Gitio noyo togom: sala' ka itakau nonogom ri Aki Kapuuno', kaa' i Aki Kapuuno' nonogom ritakau. Am nanusub Io ra Anak Nano sumauk ra pabansayan ru tula takau.

Pabukat kau ngaangai' ondo' tagamin ku! Amon ru motogom toojo i Aki Kapuuno' no ritakau, itakau pana musiti' motogom ra rondo' am bokon.

Gitio noyo ralan ri Aki Kapuuno' nampakito ra togom Nano ritakau: Nanusub Io ra Anak langkuir Nano minatong ra tana' ti, maa' boo raginio mokoowot takau ra kaayagan sabap Riso.

Amon ru mokoondo' sangulun mindagu, “Motogom aku ri Aki Kapuuno',” kaa' masisang io ra pabukat nano, ulun no magabau. Ulun ondo' kalo motogom ra pabukat ondo' makito no, mulu' pi nai boo ri Aki Kapuuno' ondo' kalo makito no.

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

Gitio noyo panusuban ondo' pinataak ri Jisus Kristus ritakau: Osoi ayuk motogom ri Aki Kapuuno' musiti' motogom ra pabukat nano.

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk. Gitio ralan min koson mangulig ra Ambiluo ri Aki Kapuuno': Ulun ondo' mindagu ra i Jisus Kristus minatong intor ri Aki Kapuuno' am siminauk ra ulun, ulun no mokoondo' ra Ambiluo ri Aki Kapuuno'.

Kaa' ulun ondo' kalo mangintopot ra i Jisus no minatong ra tana' ti am siminauk ra ulun, ulun raginio kolondo' Ambiluo ri Aki Kapuuno'. Ulun no mokoondo' ra ambiluo ru pantula' ri Jisus Kristus. Nokorongog kau ra ambiluo raginio matong am raino soroi io ra tana' ti.