Popular Bible Verses from Matiu 21

Share

Mukiꞌa yafema ‘Anumaya Kotitega havigesunana kanaleꞌya huno tamigahie.’ hutama tamakupi maletama tamametiti hisayana afaꞌa amamigahie.” huno hie.

Hageno Yisasiꞌa mage huno hama-paiye “Lamage huꞌna tamaha-nepauve Anumaya Kotifena tole lamakesa ohavitama ‘Mukiꞌa yama hisanana kanalelageka hateꞌasine.’ hutama tamakupi maletama tametiti hisayana fiki yosama hu-toa kavaꞌene nagoꞌa kavaꞌenena hugahae. Ma agoꞌyamofena ‘Kofa hu-lavika ala ti kotumo amuꞌnopi mo hetika maiyo.’ hutama hapaisagenoꞌa ketamia akave maleno ugahie.

Hagoteꞌya vaya veaꞌmoꞌyaene akave aya veaꞌmoꞌyaene mage huꞌya hae “Taugafa ali-gatisana kanoa Teviti aginagomogae kanale ya huka neꞌane. Anumayamo aliꞌya aligahe hanageno hu-ga-tenea kanoa Anumaya Kotiꞌa kanale manu kamino kaya hu-maine. Anafinaga mainea Anumaya Kotiꞌa taugafa ali-gatisiafe musena hisune.” huꞌya hae.

Mage huno hie “Anumaya Koti autaꞌmafina mage huno kae-maleneane ‘Nagai nona mukiꞌa veaꞌmoꞌya Anumaya Koti agi ayeꞌya nunamu hisaya no hane.’ huno kae-maleneanagi tamakaya musufa yama nehaya kava hugahe ma nopina emainae.” huno hie.

Yelusalemu veaꞌmogamina mage huka hama-paiyo “Agegeho menia tamakaite kava yagai-lama-tesia kanoa augafa alino ohaino hosi kana afumo agia tokimo nafaꞌnemo agupifi maiteno eneꞌe.” huno kae-maleneane.

Hageno Yisasiꞌa mage huno hama-paiye ani yafena Anumaya Koti avopina ago hapali-mainao? Mage huno hu-maineane “Vayaꞌmoꞌya yafa noma kigahena nago yafafena ‘Haviya hu-maine.’ huꞌya atalenayanagi haenagaꞌa ani yafamofena ‘Tusiꞌa kanale yafane.’ huꞌya nomo aye-tagenale malenae. Anumayamoꞌa ani avamete hu-mainegeta ageteta tusiꞌa kanaleꞌyanagino tamaꞌyo aiya kava nehie huta nehune.” huno kae-maleneane.

Kae-malenegi mukiꞌa veamoꞌya ani yafateꞌma asaga hu-lavisayana amaugafamoꞌa atalaga huno haviya hu-lavigahianagi ani yafamoꞌa vaya amaugafaleꞌma asaga hu-lavisiana ai-latapeno ai-talaga talago hu-talegahie. Naꞌa huyafe tamaha-nepauve Anumaya Koti kava yagai-mainea yana tamayapitila tamaha-faleno alu veaꞌmogami amayapi malegahie. Kanale alagaꞌma ayesaya veaꞌmogami amayapi malegahie huno hie.