Popular Bible Verses from Intembauzyo 103

Share

O muuya wangu, kolumba Jehova, Akutaluba zyoolwe zyakwe zyoonse.

Nguwe uukulekelela insendami zyako zyoonse, Akuponya malwazi aako oonse. Nguwe uuvuna buumi bwako kuzwa kukabanda, Akukusamika munsini waluzyalo abuuya. Nguwe uukukusya zintu zibotu, Kuti bukubusi bwako bubukuluke mbuli insika

O muuya wangu, kolumba Jehova Zyoonse zili mukati kangu azilumbe izina lyakwe lisalala.

Mbuli muntu mbwafwida bana bakwe luzyalo, Alakwe Jehova ulabafwida luzyalo abo bamuyoowa.

Mbuli kujwe mbokuli kule kuzwa kumbo, Mbuboobu mbwaalampya insotoko zyesu kuzwa kulindiswe.

Jehova ngusibuuya, ngusiluse, Ulamuka kukalala, ulizwide luzyalo.

Tana kutucitila mbuli zibi zyesu, Nikuba kutuboozezya mbuli insendami zyesu. Nkaambo ijulu mbulili idamfu kwiinda nyika, Mbubonya obo mbulukomede luzyalo lwakwe kulibaabo bamuyoowa.

Jehova ulikazikide cuuno cakwe cabwami mujulu, Nkabela bwami bwakwe buleendelezya kuliboonse.