Popular Bible Verses from Myeelwe 13

Share

Mpawo Kalebi wakatontozya myoyo yabantu kubusyu bwa-Musa, wati, Ne! Atweende, tukaivube, nkaambo ncobeni tulakonzya kwiizunda.

Alimwi nkukonya oko twakabona babbabbani, nkabela swebo mumeso esu amumeso aabo twakalitenga.

Pele bantu mbaakeenda abo bakati, Tatukonzyi kuyoolwisya bantu abo, pe, nkaambo mbayumu kwiinda ndiswe.

Aboobo bakaletela bana baIsrayeli impuwo imbi yanyika eyo njibakaakutwela, Bakati, Nyika eyo njitwakaakutwela ninyika iikonzya kulya bantu bayo, abantu boonse mbetwakabona nkuko majompojompo.

Nkabela bakabalwiida, bati, Twakaakusika kunyika nkumwakatutuma. Ncobeni ilakunka malili abuci; njeeyi micelo yayo.

Pele bantu bakede munyika mbayumu, aminzi iili ama baya, alimwi mipati, Nkabela twakabona bana ba-Anaki nkuko.

Ba-Amaleki mbebakakede munyika ya-Negebi; ba-Hiti abaJebusi aba-Amori mbebakede kuzilundulundu; aba-Kanana balikede kumbali alwizi akunkomwe zya-Jordano.

Lino bakasika kuli-Musa a-Aroni ambungano yoonse yaba-Israyeli kuKedesi mu nkanda ya-Parana, nkabela bakabaletela impuwo, balo ambungano yoonse yabantu, akuba tondezya micelo yanyika.