Popular Bible Verses from Nehemiya 9

Share

Nekubaboobo balo bamawiseesu bakalisumpula, bayumya myoyo yabo, bakaka kuswiilila milazyo yako. Eya, bakakaka kuswiilila, Bakaluba milimo yako iigambya njowakacita akati kabo. Bakayumya myoyo yabo, alimwi mucinguni cabo bakalisalila silutwe kuti babweede kubuzike bwabo. Pele uwe uli Leza uuyandisya kulekelela, uli siluzyalo, uli sibuuya, tofwambi kukalala, Muluzyalo lwako lugambya tokwakabasoowa pe.

Nduwe Jehova olike. Nduwe wakalenga ijulu ajulu lyakujulu amakamu oonse aamulindilyo. Nduwe wakalenga nyika azintu zyoonse zili alinjiyo. Nduwe wakalenga lwizi azyoonse zili mulindulo. Nduwe oabila zyoonse buumi. Makamu aakujulu alakukomba.

uwe muluzyalo lwako lupati tokwakabaleka munkanda, Musemu wakumbi wakubeenzya isikati munzila, tokwakaugwisya, amusemu wamulilo wakubamunikila masiku kuti babone inzila njibeelede kutola, tokwakaugwisya. Wakapa Muuya wako mubotu kuti abaiisye. Tokwakakakila milomo yabo cilyo cako ca-Mana, alimwi wakabaabila maanzi kuti nyota yabo imane. Myaka ili akumi one wakabalela munkanda, Taakwe ncibakabula. Zyakusama zyabo teezyakazakala, amaulu aabo tecakazimba.