Popular Bible Verses from Marko 2

Share

Amvwe buyo, Jesu wabaambila kuti, Bantu baumi embo mbibayanda musilisi pe, pele balwazi. Nsizide kuzookoba baluleme pele basizibi.

Lino Jesu naakabona lusyomo lwabo waambila oyo uuyuminide mubili kuti, Mwanaangu, walekelelwa zibi zyako.

Lino wakabaambila kuti, Sabata wakaanzilwa muntu, muntu taanzilwi Sabata pe.

Elyo mbubakakacilwa kuswena afwiifwi nkaambo kamakamu, bakavumbulula lululi mpoonya mpaakabede. Bamane kulutulula, bakalengelezya bulo mbwaakalede oyo muntu uuyuminide mubili.

Pele nkokuti muzibe kuti Mwana a-Muntu ulijisi bwami ansi ano bwakulekelela bantu zibi zyabo, elyo waambila uuyuminide mubili wati, Webo, ndakwaambila kuti, Buka, bweza bula bwako, uye kuŋanda yako.

Icuuba ncili, sa nkwaambila uuyuminide mubili kuti, Walekelelwa zibi zyako, nanka kuti, Buka, bweza bulo bwako, enda.

Mpoonya awo wakayumuka, wabweza bulo bwakwe, wainka, balimweebelede boonse, Lino boonse bakagamba, balemeka Leza, bati, Tatuna kabwene kali bobuya.