Popular Bible Verses from Mika 4

Share

Nkaambo misyobo yoonse ileenda muzina lyamizimu yayo, aswebo tuleenda muzina lya-Jehova Leza wesu lyoonse mane kukabe kutamani.

Bantu bamisyobo minji bayooinka cakuti, Amuboole, tutante kucilundu ca-Jehova, tuye kuŋanda ya-Leza wa-Jakobo, nkabela uyootwiiyisya ziyanza zyakwe, tweende munzila zyakwe. Nkaambo mu-Zioni mulazwa Mulao, ajwi lya-Jehova lilazwa mu-Jerusalemu.

Lino kumazuba aaciza, cilundu caŋanda ya-Jehova ciyooimikwa atala lyazilundu akusumpulwa kwiinda tulundulundu toonse, nkabela bantu bayookunka kulincico.

Lino uyoobeteka misyobo minji akutapatila mikowa iili anguzu yakule. Nkabela bayoofula mapanga aabo abe maamba aakulimya, amasumo aabo abe zizibyo zyamisamu, Cisi tacikooyoobweza ipanga lyakulwisya cisinyina, nkaambo tabakwe nibayooiiya inkondo limbi pe.