Popular Bible Verses from Matayo 24

Share

Nkabela nkaambo kakuvula kwamilandu bantu banji bazooya buleka luyandisyo lwabo. Pele oyo uuliyumya kusikila kumamanino uzoofutuka.

Nkabela aya Makani Mabotu aa-Bwami azookambaukwa munyika yoonse kuti abe citondezyo kumisyobo yoonse. Elyo mamanino azoosika.

Alimwi mulamvwa inkondo ampuwo zyankondo. Amulange, mutayoowi. Nkaambo makani aya aleelede kuba, pele mamanino taana kusika.

Nkaambo cisi cizoolwana acisinyina, abwami buzoolwana abwaminyina. Alimwi kuzooba inzala amizuzumo yanyika mumasena aansininsini. Zintu ezi zyoonse ngimasaangunino aamapenzi.

Ijulu anyika ziyooloba zyoonse, pele majwi aangu taakonzyi kuloba pe.

Nkaambo kuzoosika banji kuzina lyangu, bati, Ndime Kristo, nkabela bazooena banji.

Lino bazoomwaabila mapenzi akumujaya. Nkabela muzoosulwa kumisyobo yoonse nkaambo kazina lyangu. Lino banji bazoofumpuzigwa, bazooabana akusulana. Alimwi kuzooba basinsimi babeji banji, bazooena banji.

Lino Jesu wakabavwiila, wakati, Amucenjele kuti muntu atamweeni.

Mbubonya obo anywebo amulibambe, nkaambo kuciindi ncimutezi nciconya ncazoosika Mwana a-Muntu.

Nkaambo kaako amulangile, nkaambo tamuzi buzuba mbwazoosika mwami wanu.

Pele taakwe muntu naba umwi uuzi buzuba obo nanka ciindi, nibaba baangelo bakujulu naba Mwana, pele Taata luzutu nguuzi.

Nkaambo kuzooba bakristo babeji abasinsimi babeji, bazootondezya zitondezyo zipati amalele, kuti kwakukonzeka bakeene abalo basale.

Nkabela kuboola kwa-Mwana a-Muntu kuyooba mbuli kumazuba aa-Nowa, Nkaambo kumazuba ayo maanzi naatakalina kupaya bakali kulya akunywa, bakali kukwata akukwatizigwa, kusikila kubuzuba obo mbwaakanjila mubwaato Nowa, nkabela teebakezi mane kupaya kwamaanzi kwakasika akubatola. Mbubonya obo mbukuzooba kuboola kwa-Mwana a-Muntu.