Popular Bible Verses from Matayo 16

Share

Lino Jesu wakaambila basikwiiya bakwe wati, Kuti muntu kayanda kunditobela, aliimye, abweze ciingano cakwe elyo ulanditobela.

Alimwi ndakwaambila kuti nduwe Petro. Atala amwala oyu mpenzooyakila imbungano yabantu bangu, nkabela milyango yabasikufwa tiikoozoomuzunda.

Alimwi nzookupa zijaluzyo zya-Bwami bwakujulu, nkabela zyoonse nzyoti kaange ansi ziyooangwa kujulu, azyalo zyoonse nzyoti kaangulule ansi ziyooangululwa kujulu.

Nkaambo umwi aumwi uuyanda kuliyobweda buumi bwakwe uzoobusweekelwa, pele umwi aumwi uusweekelwa buumi bwakwe nkaambo kandime uzoobujana.

Nkaambo nimpindunzi njajana muntu nikuba kuti wavuba nyika yoonse anukuti wanyanzigwa buumi bwakwe? Na ncinzi ncakonzya kupa muntu kuti anunune buumi bwakwe?

Nkabela wabaambila kuti, Pele inywe mulaamba kuti ndimeni? Lino Simoni Petro wakavuwa, wamwaambila wati, Nduwe Kristo, Mwana a-Leza muumi.

Nkabela Jesu wakavuwa, wamwaambila wati, Uli acoolwe, Simoni mwana a-Jona, nkaambo teensi bantu balya maila bakakuyubulwida boobu, ngu-Taata uuli kujulu.