Popular Bible Verses from Matayo 14

Share

Pele naakaswiilila muuwo, wakayoowa. Lino wakatalika kubbila, elyo wakoongolola wati, Mwami, ndivuna. Mpawo Jesu wakatambika ijanza lyakwe, wamujata, wamwaambila wati, Webo nusilusyomo-luniini, ino nkaambonzi wadoneeka?

Pele naakaswiilila muuwo, wakayoowa. Lino wakatalika kubbila, elyo wakoongolola wati, Mwami, ndivuna.

Mpawo Jesu wakabaambila kuti, Amusekeseke! Ndime. Mutayoowi.

Lino Petro wakamuvwiila, wakati, Mwami, kuti nduwe, ndilailila kuti mboole kulinduwe atala amaanzi. Wakati, Boola. Nkabela Petro wakazwa mubwaato, wakeenda atala amaanzi kuti aye kuli-Jesu.

Nkabela abo bakali mubwaato bakamukomba, baamba bati, Ncobeni nduwe Mwana a-Leza.

Pele Jesu wakabaambila kuti, Tabeelede kwiinka pe, amubasombe zyakulya nywebo. Bamwaambila bati, Taakwe ncitujisi okuno, pele mikamu yosanwe answi zyobile.

Mpawo wakati, Amuzilete okuno kulindime. Lino wakalailila bantu kuti bakale amweemvwe. Mpawo wakabweza eyo mikamu yosanwe answi ezyo zyobile, walungama kujulu, walumba, waikomona mikamu, waabila basikwiiya bakwe, nkabela basikwiiya bakaabila bantu.

Lino bakalya boonse, bakuta. Alimwi bakazuzya insuwo zili ikumi azibili bufwefwelenga ibwakasyeede.