Popular Bible Verses from Levitiko 26

Share

Njooendeenda akati kanu, njooba Leza wanu, anywebo muyooba bantu bangu.

njoomuwisizya imvula kuzi indi zyeelede, aboobo nyika iyoozyala zilyo, amisamu iyoozyala micelo yayo.

Na muleenda mumilao yangu akubamba imbeta zyangu akuzicita

Njoomupa luumuno munyika yanu, nkabela muyoolala cakutayoowa cintu, Njoolesya banyama babi munyika yanu, alyalo ipanga lyankondo talikooyooboneka akati kanu.

Njoomweembela, njoocita kuti muzyalisye akuvula, alimwi njooyumya cizuminano ncetutangene anywebo

Ndime Jehova Leza wanu iwakamupozya munyika ya-Egepita, kuti mutacibi bazike babo, Ndakatyolaula zikeyi zyamajoko aanu akumucita kuti mweende cakululama.

Njoobika cikalilo cangu akati kanu, Moyo wangu tuukooyoomusesemwa pe.

Mutalicitili zimpangaliko, nekuba kuliimikizizya zikozyano zibezedwe na minsemu, nekuba kubika ibbwe lili azifwanikisyo munyika yanu, kuti muzikotamine. Nkaambo ndime Jehova Leza wanu

Muyoolya zilyo zyamatala makulukulu, akugwisya zilyo zyaciindi nkaambo kakuvula kwazilyo zipya.

Bantu bosanwe banu bayootanda mwanda, abantu bali mwanda bayootanda zyuulu zili ikumi. Basinkondonyokwe bayoowa kupanga kunembo lyanu.

Kupola maila aanu takukooyoomana mane kusikila ciindi cakucela masaansa, akucela kwanu kuyoosika kuciindi cakubyala, Muyoolya zilyo zyanu cakukuta, akukala munyika yanu caluumuno.

Muyootanda basinkondonyokwe, mane bakawe kupanga kunembo lyanu.

Amubambe masabata aangu akulemeka cikombelo cangu. Ndime Jehova.