Popular Bible Verses from Joshua 1

Share

Sa teensi ndime ndakulailila na? Koyuma akuba mukozu. Utakankami nikuba kuyoowa, pe, nkaambo Jehova Leza wako uli ayebo koonse koonse nkoya

EH ibbuku lyamulao talyeelede kutantamuka kumulomo wako, pe, uleelede kubika miyeeyo yako kulindilyo lyoonse buyo, isikati amasiku, kuti ubambe kabotu makani oonse aalembedwe mumo, nkaambo kucita obo nkokukonzya kubotya inzila yako akukuletela coolwe.

Pele koyuma akuba mukozu loko kuti mubambe kabotu mulao woonse Musa mulanda wangu ngwaakamulailila. Utaleyi kuzwa kulinguwo, pe, nikuba kululyo nikuba kulumwensi, kuti ujane coolwe koonse koonse nkoya.

Takukooyooba muntu naba omwe uukonzya kwiima nji kunembo lyako mazuba oonse ngoyoopona, Mbuli Musa mbundakali awe, njooba ayebo mbubonya. Nsikwe nenti kamulekelezye nikuba kuyoomuleka buyo pe.

Koyuma akuba mukozu, nkaambo nduwe uuyookonya bantu aba nyika njindakakonkezya bamawisi kuti njoobapa njiyo

Kufumbwa antu aayoolyatwa andyato zyamaulu aanu njoomupa mpawo, mbubonya mbundakaambila Musa

Musa mulanda wangu wafwa. Lino buka, uzubuke oyu mulonga wa-Jordano, uwe abantu aba boonse, kuti muye kunyika ilya njinti bape bana ba-Israydi

Lino Musa mulanda wa-Jehova naakamana kufwa, Jehova wakaambila Joshua mwana wa-Nuni, similimo wa-Musa, wakati

Kuzwa kunkanda akuzwa kucilundu eci ca-Lebano mane kusikila kumulonga, mulonga mupati wa-Firate, nyika yoonse yaba-Hiti, akusikila kulwizi lupati luli kububbila, yoonse buyo iyooba CISI canu.

Kufumbwa muntu uusampaula majwi aako akutaswiilila makani oonse ngomulailila, uleelede kujayigwa. Koyuma buyo akuba mukozu.

Amwiinde koonse koonse akati kazilao, mwaambile bantu kuti, Amulibambile zyakulya, nkaambo amana buyo mazuba otatwe, muyoozubuka oyu mulonga waJordano kuyoovuba nyika eyo Jehova Leza wanu njamukonya