Popular Bible Verses from Johane 3

Share

Nkaambo obuya Leza mbwaakayandisya nyika, wakapa Mwanaakwe simuzyalwa alike, kuti umwi umwi uumusyoma atafwidilili, pele abe abuumi ubutamani

Nkaambo Leza taakwe naakatuma Mwanaakwe munyika kuti akiibeteke nyika, pele kuti inyika ikafutulwe nguwe.

Jesu wakavuwa kuti, Ncobeni ndakwaambila kasimpe, Muntu atazyalwa akuzyalwa kwakujulu, takonzya kubona Bwami bwa-Leza

Oyo uumusyoma tabetekwa, pele oyo uutamusyomi wabetekwa kale, nkaambo tasyomede kuzina lya-Mwana a-Leza, simuzyalwa alike

Eno oku nkubetekwa, kuti mumuni wasika ansi, pele bantu bayanda mudima kwiinda mumuni, nkaambo milimo yabo mibi

Walo ulyeelede kukomezegwa, pele mebo ndyeelede kucesegwa.

Nkaambo muntu umwi umwi uucita cibi uluusulide mumuni, tasiki kumumuni, kuti ambweni milimo yakwe yatopwa.

Oyo uusyoma Mwana nguuli abuumi ubutamani, pele oyo uutamvwi Mwana takooyoobona buumi, pele bukali bwaLeza bulikede alinguwe.

Alimwi mbubonya Musa mbwaakasumpula nzoka munkanda, mbubonya awalo Mwana a-Muntu ulyeelede kuyoosumpulwa

Wisi uyanda Mwana, wakamupa zintu zyoonse mujanza lyakwe.