Popular Bible Verses from Isaya 65

Share

Lino nibatana kwiita njoobavwiila, nibacili mukwaamba njooswiilila.

Nkaambo amubone! Ndalenga ijulu ipya anyika impya. Ezyo zyakusaanguna tazikooyooibalukwa limbi nikuba kuyeeyegwa.

Tabakooyoobeleka cabuyo nikuba kubelekela mapenzi, nkaambo bayooba bana bacoolwe ca-Jehova, alunyungu lwabo mbubonya.

Maanda ngebayaka taakooyookalwa umbi, amicelo njibabyala tiikooyooligwa umbi pe, nkaambo mazuba aabantu bangu ayooba mbuli mazuba aamusamu, abantu mbensalide bayoongozya milimo yamaanza aabo.

Tamukooyooba limbi mulinguwo mucece uufwa natana kukula, nanka mucembele uufwamba kufwa niitana kuzulila myaka yakwe. Mwana uyoofwa naamana myaka iili mwanda. Pele sizibi uuli amyaka iili mwanda uyooba mutusi.

Umpe akabelele, zyoonse ziyoolya mucilido comwe; mulavu uyoocela bwizu mbubonya mbuli iŋombe; anzoka, bulongo buyooba cilyo cayo. Tabakooyooluma nikuba kunyonyoona moonse mucilundu cangu cisalala, mbwaamba Jehova.

Njoosekelela Jerusalemu akukondelwa bantu bangu, Tamukooyoomvwigwa limbi mulinguwo ijwi lyakulila niliba ijwi lyakupenga.