Popular Bible Verses from Hebrayo 8

Share

Nkaambo ndiyoobafwida luzyalo kukubisya kwabo, Nsikooyooziyeeya limbi zibi zyabo.

Eno ngooyu mulongo ngwenjandootanga kubana-Israyeli, Munsi lyamazuba ayo, ngo-Jehova waamba obo. Ndiyoobika milao yangu mukuyeeya kwabo, Moonse amumyoyo yabo ndiyooilembamo, Elyo ndikabe Leza wabo, Abalo bakabe bantu bangu.

Nkabela takukwe uuti kaiisye mweenzinyina, Takukwe uuti kaiisye mwanaakwabo kuti, Amuzibe Jehova, Nkaambo boonse bayoondiziba beni, Ukuzwida kumwana mane kusikila kumupati.

Eno mbwaakabeena kampenda wakabaambila kuti, Amubone, mazuba aleza, ngo-Jehova waamba obo, Nenti katange mulongo mupya kubana-Israyeli akubana-Juda.

Eno kumakani aya ngotwali kukanana, mutwe wamakani ngooyu. Tulijisi mupaizi mupati uuli bobuya, uukede kululyo lwacuuno ca­-Bupati bwa-Leza kujulu