Popular Bible Verses from Ezekieli 33

Share

Kobaambila kuti, Mbubonya mbundi muumi, mbwaamba Mwami Jehova, nsiyandi abuniini kuti sizibi afwe pe, ndayanda kuti aleke bubi bwanzila zyakwe akulijanina buumi. Amupiluke, amupiluke, muleke inzila zyanu zyabubi. Nkaambonzi nomuyanda kufwa, O luzubo lwa-Israyeli?

Lino webo, O mwana amuntu, ndakubika kuti ubede luzubo lwa-Israyeli mulindizi. Uyooswiilila majwi aakumulomo wangu, lino uleelede kubacenjezya muzina lyangu.

Pele na wamucenjezya sizibi kuti aleke inzila yakwe, nekubaboobo taleki inzila yakwe, oyo muntu ulafwa muzibi zyakwe, pele webo tojisi mulandu pe.

Pele mulindizi abona ipanga lileza, na wabula kusiba mweembo aboobo bantu tabacenjeli, alimwi ipanga lilasika akutola muntu naba omwe akati kabo, oyo muntu watolwa muzibi zyakwe, pele bulowa bwakwe ngumulandu wamulindizi.

Waswiilila kulila kwamweembo pele tacenjeli, aboobo bulowa bwakwe ngumulandu wakwe mwini. Anukuti naakacenjela naakavuna buumi bwakwe.