Popular Bible Verses from Deuteronomo 8

Share

Amwiingasile Jehova Leza wanu, nkaambo ngonguwe uumupa inguzu zyakuletya buvubi, kuti azuzikizye cizuminano cakwe ncaakakonkezya kuli bamauso, mbukubede asunu.

Wakamubombya, wamujazya inzala, wamusanizya mana, cilyo ncimwatakezi nywebo nibaba bamauso, kuti amuzibye kuti teensi insimi ilike iiponya muntu; muntu ulapona kumajwi oonse aazwa mumulomo wa-Jehova.

Mutalubi inzila yoonse Jehova Leza wanu njaakamweenzya, myaka eyi iili makumi one, munkanda, kuti amubombye, amusunke, azibe makani aali mumyoyo yanu, na inga mulakonzya kubamba malailile aakwe na pe.

Amucenjele kuti mutaambi mumyoyo yanu kuti, Inguzu zyangu abuyumu bwajanza lyangu nzezyakandileletela buvubi obu.

Lino amucenjele kuti mutalubi Jehova Leza wanu, mutaleki kubamba malailile aakwe ambeta zyakwe amilazyo yakwe njendi mukumulailila obuno buzuba.

Lino amuzibe mumyoyo yanu kuti, mbubonya mbuli muntu mbwatambisya mwanaakwe, Jehova Leza wanu ulamutambisya anywebo.

Lino muyoolya akukuta, akulongezya Jehova Leza wanu nkaambo kanyika imbotu njamupa.

Amubambe milazyo ya-Jehova Leza wanu, amweende munzila zyakwe akumuyoowa.

iwakamusanizya mana omo munkanda, cilyo bamauso neebatakezi, kuti amubombye, amusunke, akumucitila kabotu kumamanino.

Ambweni mwalya cakukuta akuyaka maanda mabotu akukala mulingao, aŋombe zyanu ambelele zyanu zyavula, ayalo insiliva angolida zyamuvulila, ambono zyanu zyoonse zyavula, elyo myoyo yanu iyoolisumpula, aboobo muyooluba Jehova Leza wanu iwakamugwisya munyika ya-Egepita amuŋanda yabuzike

Nkaambo Jehova Leza wanu ulamusisya kunyika imbotu, nyika yatulonga twamaanzi, nyika yatusensa amatoolo, maanzi mwaazwa akati kamakuti aazilundu, nyika yabulotwe abbaale, yamasaansa amakuyu amapomegranite, nyika yamaolifa aali amafuta, abuci, nyika nkomukonzya kulya cakukuta, nkomutakonzyi kubula cintu, nyika iili amabwe aabutale, azilundu nkomukonzya kusya mukuba.

Malailile oonse ngendamulailila buzuba obuno, amucenjele kuti mwaabambe, kuti mupone akuzyalisya akuyoovuba nyika Jehova njaakakonke­ zya kulibamauso.

Zyakusama zyanu teezyakazakaala, amaulu aanu taakwakazimba, myaka eyi yoonse iili makumi one.

iwakamweenzya munkanda impati iiyoosya, mwakali inzoka inkali atubanze anyika yacimpayuma iitaakwe maanzi, iwakamugwisizya maanzi mundomba ijumu