Popular Bible Verses from Daniele 3

Share

Lino ba-Sadrake a-Mesaki a-Abedinego bakavwiila mwami kuti, O Nebukadinezara, taakwe cintu ncetukonzya kukwaambila mumakani aya, Na Leza wesu ngotukomba ulijisi inguzu zyakutuvuna kuzwa kubbila lyamulilo wamabangabanga, uyootuvuna mumaanza aako, O mwami. Nekubaboobo na tacili boobo kuzibwe kulinduwe, O mwami, kuti twakaka kukomba baleza bako akukotamina cikozyano cangolida ncowakabika.

Wakati, Ma! Ndabona bone baangunwidwe baleendeenda mukati kamulilo. Tabapiide, pe, abunini. Alimwi ciwa camuntu wane cili mbuli ciwa caumwi wabaleza.

Lino Nebukadinezara wakaamba kuti, Alumbwe Leza waba-Sadrake a-Mesaki a-Abedinego, iwakatuma angelo wakwe akuvuna balanda bakwe ibakamusyoma, ibakakaka ijwi lyamwami akwaaba mibili yabo kuti batakombi na kukotamina leza naba umwi cita Leza wabo beni.

Nkaambo kako ndabika mulao wakuti, akati kabantu bamisyobo yoonse amyaambo yoonse, kufumbwa muntu uuamba cakusampaula Leza waba-Sadrake a-Mesaki a-Abedinego uyoogonkelwa zizo zyakwe, aŋanda yakwe iyooba mafwisila, Nkaambo taakwe Leza umbi uukonzya kuvuna obo.