Popular Bible Verses from Romanos 5

Share

Ashtahuanpish Cristoca, ñucanchij juchayujcuna cajpirajmi, ñucanchijmanta huañurca. Chashnami Taita Diosca, ñucanchijta cʼuyaj cashcataca ricuchin.

Diosta shuyashpaca, mana pingai tucushunchu. Taita Diosca, paipaj jucha illaj Espirituta cushpami, paipaj cʼuyaitaca ñucanchij shungupi tallirca.

Mana chaillamantachu cushicunchij, ashtahuanpish llaquicuna japijpipishmi cushicunchij. Llaquicunaca mana pʼiñarij alli shunguta ruraj cashcata yachanchijmari. Mana pʼiñarij alli cajtaca, Diosmi alli nin. Chashna alli nishca cashpaca, shuyana yuyaillami tucun.

Shina cajpica crishcamanta, Dios ñucanchijta ima juchachina illajta rurajpimi, Apunchij Jesucristomantaca Taita Dios-huan sumaj causaipi yaicunchij. Paita crishcallamantatajmi, mana cʼuyaipajta Dios cʼuyashpa cushca allicunata chasquingapaj, shuj yuyai paipajman yaicui tucunchij. Taita Dios alli sumaj caj shinallataj, ñucanchijpish alli sumaj canaman chayana yuyailla cashpami cushicunchij.

Ñucanchij quiquinllataj ima shina mana quishpiri tucujpimi, Dios agllashca punlla pajtajpi, Cristoca juchayujcunamanta huañurca.

Cunancarin Cristo huañushpa jichashca yahuarhuanmari Diosca ñucanchijtaca ima juchachina illajta rurashca. Chaimantami Dios pʼiñarishpa llaquichinamantaca, Cristollataj quishpichinga.

Shujlla runa mana caźushcamantami, cai tucui gentecuna juchayuj tucushca. Chashnallataj, shujlla runa caźushcamantami, cai tucui gentecuna, ima juchachina illajta rurashpa chasquishca cangacuna.

Mana chaillachu, ashtahuanpish Apunchij Jesucristomantami, Taita Dios-huan cushicunchij. Paillamantatajmi, Dios-huan alli tucunata chasquishcanchij.