Popular Bible Verses from Marcos 7

Share

Shungu ucumantami millaita rurana, huainayana, pushanacushpalla causana, huañuchina yuyaicuna llujshin. Shinallataj shuhuana, quiquinpajlla charina, imatapish millaita rurana, umana, chayarina munaihuan ruparishpa purina, shujtajcunapajta munana, yanga juchachina, jatun tucuna, chʼahuanyashca cana yuyaicunapishmi llujshin. Cai tucui millai yuyaicunami, shungumanta llujshishpa, pitapish mapayachin— nircami.

Micujpi imapish canllamanta yaicujca, pita mana mapayachinchu. Ashtahuanpish paipaj shungumanta llujshijmi pitapish mapayachin.

Jesusca cashnami nirca: —¡Mishqui shimi jayaj shungucuna! Isaiasca, allillatatajmi cancunamantaca huillashca. Pai quillcashcapica, cashnami nicun: “Caicunaca, shimillahuanmi Ñucataca, alli nij tucuncuna. Paicunapaj shungupitajca, shujtajtami yuyacun.

Yangallamari Ñucataca, yuyarij tucuncuna. Yachachishpapish, runacuna mandashcallatami yachachincuna” nircami.

Cancunaca, Taita Dios Mandashcata saquishpami, runacuna ñaupamanta yachachimushcallata catishpa: Jarrocunata, ubyana vasocunata maillanallapi yuyaita churanguichij. Shinallataj shujtaj chai shinacunatapishmi ruracunguichij— nircami.