Popular Bible Verses from Marcos 2

Share

Chaita uyashpami, Jesusca: —Mana ungushca cajcunaca, mana pi jambijta mashcanchu, ungushcacunallami jambijtaca mashcan. Ñucaca, cashcata rurajcunataca mana cayaj shamurcanichu, ashtahuanpish juchayujcunatami cayaj shamurcani— nircami.

Jesusca, paicuna crishcata ricushpami, mana cuyurij runataca: —Huahua, ñami cambaj juchacunataca anchuchini— nirca.

Jesusca cashnapishmi nirca: —Sábado punllataca, runapaj allipaj churashcami, runataca mana sábado punllapaj rurashcachu.

Yallitaj gentecuna junda cajpimi, Jesuspajman mana cʼuchuyachi tucurcacuna. Chaimantami, huasi cʼatata ashata anchuchishpa, chai ungushca runataca Jesuspajman uriyachircacuna.

Runa Aichayuj Ñucataca, cai pachapi juchacunata anchuchi tucuchun cachashcataca, cunanmi ricuchisha— nirca. Chashna nihuanmi, mana cuyurij ungushca runataca: —Jatari, cambaj chacanata apashpa, cambaj huasiman rilla ninimi— nircami.

¿Mana cuyurij ungushca runataca: “Cambaj juchacunata anchuchinimi” ninachu, mana cashpaca: “Jatari, huandunata japishpa rilla” ninachu, imata ninataj ashtahuan jahualla?

Chashna nijpi paica, jatarishcahuan huanduta japishpa, tucuicunapaj ñaupajmanta llujshishpa rircallami. Chaimantami tucuicuna mancharishpa: —Chashna alliyachijtaca, manataj ricushcanchijchu— nishpa, Taita Diosta sumajyachircacuna.