Popular Bible Verses from 1 Pedro 3

Share

Chaipaj randica, Cristotaca: ‘Ñucanchijta Mandajmi’ nishpa, cancunapaj shungupi ‘Allimari’ nichij. Cancuna imata shuyacushcata pi tapujpica, alli shunguhuan sumajta huillashpa ricuchingapaj allichirishca caichij. Cancunataca, Cristohuan cashpa alli causacujpimi, huañuchijcunata shina rimancuna. Chai rimajcuna cancuna alli causajta ricushpa pingarichunca, imata mana manchashpa alli yuyaihuan causaichij.

Mandaj Diosca, cashcata rurajcunamantaca, manataj Paipaj ñahuita anchuchinchu. Paicuna mañashcatapish uyaracunmi. Ashtahuanpish millaita rurajcunataca, Mandaj Diosca pʼiña ñahuihuanmi ricun» ninmi.

Ama cancunapaj umallata yallitaj allichirichijchu. Ama curimanta rurashca ima sumajcunata aparishpa, sumaj churanacunata churarishpa, jahuallata ricurichijchu. Chaipaj randica, ucu shungu yuyaita allichirishpa, mana pʼiñarij alli shungu caichij. Chaica mana chingaringachu, chaitamari Taita Diosca yallitaj alli ninga.

Chashna cachunmi, cashna nishca: «Maijanpish causaita cʼuyashpaca, millaita rimanamanta cʼalluta jarcarichun, umanamanta shimita huaquichichun. Tucui millaimanta anchurishpa, allillata rurashpa, alli sumajta causana yuyailla cachun.

Tucuimanta yallica, tucuicuna chaillatataj yuyashpa sumajta causaichij. Quiquin huauquindijcuna shinataj, caishuj chaishuj cʼuyanacuichij, llaquinacuichij. Pihuanpish alli caichij. Diosca, cancunataca allicunata chasquichunmi agllarca. Chaimanta cancunaca, pi llaquichijpipish, ama tigra llaquichichijchu. Cancunata ‘Llaqui tucushca canman’ nijpipish, ama chashnallataj nichijchu. Chashna ninapaj randica, Dios bendiciachun nichij.

Cancuna allita ruracujpica, ¿pitaj cancunataca, ima mana allita rurai tucungari?

Tucui millaimanta anchurishpa, allillata rurashpa, alli sumajta causana yuyailla cachun.

Cancuna allita ruracushca jahua, llaquita apachun Taita Dios munajpica, llaquita apaichijlla. Ama millaita rurashcamanta llaquita apana tucuichijchu.