Popular Bible Verses from Filipos 2

Share

Kona kow oghinang to inggad nokoy tongod to pagkuntisan dow pagpayabow. Nasi no paobos kow aw isipa no yabow iyu to duma. Kona no iyan da ogpayabihon now to iyu no kadojawan, di to kadojawan isab to duma.

Iyan sunudon now to batasan ni Cristo Jesus.

Diyus yagboy sikandin, di wada din pangimpuesi sikan pagka-Diyus din. Nasi no migpaobos sikandin aw kahinang no otow no angod to suguonon. Pagkahinang din on no otow, migdugang pad to pagpaobos din aw tumana din to tibo insugu kandin to Diyus kotob to kamatajon din. Aw wada ngani sikandin balibad inggad pad to kasikawan to pagyansang kandin duon to krus.

Su to Diyus iyan ogbogoy iyu to liyag to paghinang to madojow no ogkaliyagan din, aw ogtabangan kow din isab to pagtuman to sikan.

Kaling pigpayabow yagboy sikandin to Diyus aw bogaji to katongod no wada ogpakayabow, agun no tibo ogyuhud ki Jesu-Cristo, mgo taga-yangit dow taga-pasak hasta inggad sikan nangkamatoy on. Aw kada sobuuk og-iling no Magboboot si Jesu-Cristo to tibo agun ogkasaja to Diyus no Amoy.

Inggad nokoy to oghinangon now, kona kow ogbagutbut dow ogyayalis, agun no wada igkasawoy iyu. Na, ogkamaanan no matarong kow yagboy no mgo anak to Diyus inggad nakapagsakot kow pad to mangkadoot dow balingag no mgo otow kani to pasak. Maangod kow podom to mgo bituon diya to yangit no ogtang-ow kandan

Kaling mgo hinigugma ku, manno kanunoy kow migsugut to sugu to Diyus no diyan a pad iyu, yabi pad no suguton now sikandin kuntoon no wada ad diyan. Pangimpuesi now yagboy sikan insangkap iyu to Diyus no yuwason kow din, aw tahuda now yagboy sikandin.