Popular Bible Verses from Matai 24

Share

Vetâŋa potomule ma ipâŋga more-more ŋalae tina. Mine kala tamâta rârâ ma sipile mâsi ŋana tininzi mwasa panzi tininzi pinde kâ. Aŋga tamâta ea ne kalo-tawana ikeno mao pa naŋa, kala ipile ne kalo-tawana tia, ande Maro Kindeni ma via mao ilua i, kala ma imo via mine ku imo nâ.

Aku kinzi tamâta pinde ma silâ situla pâri ara ŋana Maro Kindeni ne mâsi ŋana ikai maro panzi tamâta kâ sikura tâno ndoni, kala tamâta rârâni ma siloŋo lâ. Ŋineŋga zo ŋalae ŋana tâno ŋine ne zo marumbu kâ ma imâ ipâŋga.”

Aku miki ma kaloŋo paraŋa ŋalaŋala ne nduŋeŋani imâ laiti, aku ma kaloŋo ŋgua ŋana paraŋa ŋalaŋala pinde ipâŋga nia malawae tona. Andeta miki ma tinimi ruru ndimo, ŋana tu ŋinde ma imâ ipâŋga, aŋga zo ŋalae ŋana tâno ŋine ne zo marumbu kâ nde ma ipâŋga tia yo.

Kinzi tamâta lâ lawea pinde ma simandi sikai kazâŋa panzi tamâta lâ lawea pinde, aŋga ŋgu pinde ma simandi sikai kazâŋa panzi ŋgu pinde. Putole ŋalae ma ipâŋga lâ tâno pinde, aku ogigi ma iririŋo tâno pinde yâti taulo. Mâsi ŋine rârâni ma ipâŋga muŋga, itogo nâna uru ipâŋga panzi taine kâpwa-kâpwa ku itula tu paguguŋa ne zoni nde imâ ipâŋga laiti lâ.

Mao nâ, samba wa tâno wa ma marumbu lâ, aŋga naŋa kawâŋgu ŋgua nde ma marumbu tia ndo, ma ikeno mine ku imo nâ.”

Ŋana tu kinzi tamâta rârâ ma simâ sipatu naŋa ŋâŋgu ku ma siporo tu, ‘Naŋani tamwatâŋgu kala Kirisi’, ku ma sikai laŋeŋa mine panzi tamâta rârâ.

Lâ zo ŋinde kinzi ma sikai miki kaika ku siomi lâ ŋgua nia ŋana nâna wa malia silami, aku ma sipumi pâta kamâte. Kinzi tamâta rârâni ma ilonzi sakamao ndo ŋanami, ŋana tu miki kalomi tawana naŋa. Lâ zo ŋinde, kinzi kalo-tawana tamâta rârâ ma sipile nenzi kalo-tawana, aku ma simandi sikai kazâŋa wa wisi-nâna ŋalae tina pa nawalanzi, ku ma sionzi silâ kazâŋa tamâta mbaunzi ilo. Aku ŋgua-tulâŋa tamâta laŋeŋa rârâ ma simandi ku ma sikai laŋeŋa panzi tamâta rârâ.

Ande Yesu itula ŋgua pwataki panzi mine tu, “Miki kapakatona sondo ŋga. Tia ma tamâta toŋge ilaŋemi.

Mine nde miki kala kao tinimi ku kamo nâ, ŋana tu naŋa Tamâta Natu kala ma ataulo amâ lâ zo toŋge miki ilomi patea tu ma amâ tia.”

Mine nde miki ma kaka mâsa ku kamo nâ, ŋana tu miki kazizâla ŋana zo ndia nemi Maro Ŋalae ma imâ.

Yesu iporo ŋgua ŋine lâ, ŋineŋga iporo kilo mine tu, “Tamâta toŋge isama zo ndia wa kari tai ŋapia naŋa ma ataulo amâ kilo, ande tia. Kinzi aŋelo lâ samba ilo sisama ŋine tia, aku naŋa Maro Kindeni Natu tamwatâŋgu kala asama tia. Mama simbo nâ isama.

Ŋana tu lâ zo ŋinde, kinzi ‘Kirisi’ laŋeŋa rârâ aŋga ŋgua-tulâŋa tamâta laŋeŋa rârâ ma simâ sipâŋga, ku ma siveta mâsi kie-kie pinde sitogo tu silaŋenzi tamâta Maro Kindeni muŋga ipateanzi ŋinde. Andeta kinzi ma sikura tia.

Nia ndoyo, lâ Noa ne zo, kinzi tamâta sizizâla ŋana pondi ŋalae laiti ŋana ipâŋga kâ, aku simo nenzi. Aku mine nâ, kinzi tamâta ma sizizâla ŋana naneŋgu zo ŋana ataulo amâ apâŋga kâ. Mao nâ, lâ zo muŋgâŋa ŋinde, pondi ŋalae ipâŋga tia yo, ku kinzi tamâta nde simo nenzi, sika wa sinu wa sipakâe wa. Siveta mine ku simo lee, ŋineŋga Maro Kindeni ipai Noa tu ikâki ilâ wâŋga ŋalae muŋga isape ŋinde ilo. Kinzi tamâta ŋinde nde sizizâla ŋana mâsi ma ipâŋga panzi ŋinde, ku simo mine lee, ŋineŋga pondi ŋalae ipâŋga ku izavarunzi tamâta rârâni marumbu lâ. Ande kala vetâŋa kie taituni nâ ma ipâŋga lâ naŋa Tamâta Natu neŋgu zo ŋana amâ apâŋga kâ.