Popular Bible Verses from SAN MARCOS 13

Share

Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

Jáeramo peïndaivi, peäro avei jare peyerure Tumpa pe. Echa mbaetɨ peikuaa kërai yave ra oyeapota vae.

Jare ïru vae reta pereraja yave pemee vaerä mburuvicha reta pe, agüɨye peyemoambeko ani agüɨye ave vi peyemongeta mbae pereta vae re, Tumpa ko oikuaaukata peve mbae pereta vae. Echa Espíritu Santo ko pemborɨta pemiari vaerä, pe retaiñoä ko pemiarita.

Ara jare ɨvɨ opata ko, ërei cheñee reta ngaraa opa.

Ërei mbaetɨ kia ave oikuaa mbae ara pe ani mbae ora pe kuae oasata vae, araɨgua reta ave mbaetɨ oikuaa, jaeño cheRu oikuaa.

Peendu yave ñeraro reta jare oimeta ñeraro reta yave, agüɨye pekɨɨye. Kuae susere reta oyeapo ñotai ko. Ërei ngatu ndei vɨteri ko oväe kañɨtei.

Jayave peïndaivi avei, echa mbaetɨ peikuaa kërai yave ra o iya ou yeta oväe. Güɨramoi outa oväe pɨ̈tu ave ma yave, ani pɨare mbɨte yave, ani takareo oñee ma yave, ani ndeimbove yave, agüɨye vaerä, peparanoe ou oväe yave, pepokou peke peï. Kuae jae peve vae, jae vi opaete vae pe: ¡Peïndaivi peï!”

Echa opüata oyoe tëtaguasu ïru tëtaguasu ndive jare mborookuaía ïru mborookuaía ndive, jare oimeta ɨvɨkana jeta kerupi. Jare oimeta karuai reta jare tekorai reta. Ërei kuae tembiporara reta ko oyemboɨpɨ ramo oï.

Jare Tumpa Iñee ikavi vae jërakuata räri ko opaete ɨvɨ pegua reta pe.

Echa yogüeruta jeta cheree re jei reve: ‘Che ko jae Cristo.’ Jare jeta yae ko ombotavɨta vae.

Peyeandu. Echa ïru vae reta pererajata mburuvicha reta oporojäa pe, oñeapo vaerä peré. Jare penupata judío reta itupao reta rupi. Jare pererajata mburuvicha ani mburuvicha guasu reta jóvai chereko pegua, chemombeu vaerä chupe reta.

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

Ërei opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe. Yasɨtata reta oata ara güi, jare opaete ara rupi ñogüɨnoi vae reta okanata.