Popular Bible Verses from Maluko 14

Share

Mulinga la, la muvikala aloxo 'o, “Aba, Mamilo. Mimii latala ne, pekia'u noxine sou na'oxonu uasi. La sou eni emasaxa lexe naxexeenu soli noxilo uxexesilo. Ia namulinu masaxa noxilo uasi, namulinu masaxa noxinesi.”

Nautiti mo nalinga, mo sou tovotovo uxali noxine la utaloxolixene uasi. Manina musuku, itema uleenu umasaxa lexe uxaxai, ia vasimolu ne pekia'u uasi, mamalaxusi.”

Eni avikalangengi manina aloxo 'o. No xalexalee tuatuala ne'ei ne'ei ne, lexe ilai ia'aloxu a'alo laixe, la mii e ane mi'oxonu ne, ane'i ia'aloxu kalumo la ixavutalane.”

Ilo'a tatalu ne, milai la sou muvikalane'i aloxo 'o, “Ngaxolu ano mo ngautiti laixe. Xo eni opoleli tu'umaxu mo eni 'a 'ala'alai sou asoli.”

Ilo'a i'ani'ani, ia Iesu mukasi mulu'e no anu veleti sou muno'u sou muvikala laixe musuku noxou Lataua xe mukalu, la muse'ise'inu sou mulosilosi'a vilevilesi la muvikalane'i aloxo 'o, “Ngano'u. Vasimelo ane.”

Xe muavuti la mukasi vaxa no anu paku sou uaini, la muvikala laixe musuku noxou Lataua. Xe mukalu la mulosi'a sou ane'i latala ne miiexu. La sou muvikalane'i aloxo 'o, “Sialuxo ano 'o. Eni asoli xe sialuxo unixi, la anu u'oxonu vaikala e nenge nenge'a Lataua tesakiinu 'o, uxali manina. Sialuxo ne, sou unixisi'a ta mitema tavu'alo sou upamauline'i.”

Ilo'a milai xoo la Iesu muvikalane'i aloxo 'o la, “Ngingi latala 'o ne ulai, la nga'umesilo ukalusi. Xo vaikala vile mikaukavunu muxolu no anu Lavuku Tavuna teinu aloxo 'o, ‘Ulai, la eni avau itema sou usaxila'a ta sipsip, la ane'i ta sipsip ne i'ume ipaxele.’

Ngatulu mo nenge'a talai. Ngamaisou! Itema e u'italoleli no avo'a ta mitema ne, anu a uxali 'o.”

Xe Iesu muavuti la mukolinu Pita vaikalau aloxo 'o, “Eni avikalaneni manina aloxo 'o, maasi no 'olovoxo 'o, la koko'a u'ava alaxu tamei uao, ia nini nasingisilo alaxu tatalu lexe nalavusilo uasi.”