Popular Bible Verses from Mataio 24

Share

Mo 'ili'ilixo masumasua ne utila manina mo 'ilixo sou imasaxai'a ta menexi'a ngatongato'o ne usu'a. Ia anu ane utulu pekia'u ulai uxali no anu voxo kaluxu sou la Lataua umomomo sou upamaulinu.

Mo lexe ta mitema latala no lia ukalusi 'o ne ilomusou a'alo laixe sou saxisaxila'u noxou Lataua ia ia'aloxu noxi'a ukalu, xe ili'i no anu la sou voxo kaluxusou uxali.

No voxo ane ngingi ngalomusi'a ta mitema i'oto'oto ne, la ngaavuavuti mo tangengi kalaua mo nga'ume uasi. Anu mimii ane loxo ne anu uxali, ia voxo kaluxusou ne a uao unene'e 'o.

Ta mitema sou tuala vile iavuti, la ilai ialivulane'i ta mitema sou tuala vile ane va'axu. Mo ta mitema noxou tatananu tuala vile iavuti, la ilo'a ta mitema noxou tatananu tuala vile ane va'axu i'oto. Xe no xalexalee tuatuala se'i, la laliua ukunikuni mo soli toxoxa'a uxali. Anu tu'utu'umaxu ane ne anu soko no anusi, uxali tei loxo sema ixamuli navunavu tei ka sou ivo'o 'ilie.

Mimii latala teitexi no opo loxotolo mo no lia 'o ne, ulai la ukalu. Ia vaivaikala noxilo ne ukalu uasi.

Ta mitema tavu'alo ixali la imoxo'u ualasilo, la ivikala lexe, ‘Eni kalisito ano.’ La ikalavoine'i tavu'alo.

Mo no voxo ane ne ino'inge la ilai ilosinge navunavu mo ivenge ngasoli. Mo ta mitema ukalusi ne imolosilangengi, xo ualasilo a uxolu noxinge. No voxo ane ne la ta mitema tavu'alo e mimuxaxu tane'i noxilo ne imomomo sou imuxaxu tane'i noxilo la uasi. Mo ixiu la ikala tomoxa'a ta menexi'a ngatongato'o xe imolosilane'i ngatongato'o. Mo ta mitema sou palomatana kalakalavoi tavu'alo ixali la ikalavoine'i ta mitema tavu'alo.

Xe Iesu muavuti la mupeletotosi'a aloxo 'o, “Ngasaxila'inge laixe. Loxo 'o io itema vile une'e ukalavoingengi.

La sou ngingi kalumo ngalalaxii xo Itema 'Olu une'e, la une'e no anu voxo mautunu e ngingi ngexavutala lexe Anu une'e no anu ne, uasi.

Aloxo ne la sou ngasaxila'inge laixe mo ngautiti laixe, xo ngingi ngalavusou voxo ma'ia ane tila noxinge une'e ne uasi.

Evile ulavu no anu voxo mo aso iou ne uasi. Ta angelo teitexi no opo loxotolo mo 'Olu kalumo ne ilavusou uasi, ia Momu anusisi mulavusou.

Xo ta mitema se'i ixali, la ikalavoi lexe ane'i Kalisito xo ane'i ta mitema sou palomatana kalakalavoi. Lexe ixali, la i'oxonu sosovo se'i toxotoxoxa'a uxali mo mimii se'i sou ta mitema imaisou la ikuluke no anu kalumo, lexe anu umomomo sou ikalavoine'i ta mitema ane Lataua musosovosi'a lexe anu ta na'u 'ole.

Muamua'i noxou Itema 'Olu sou ulivu une'e ne aloxo no anu voxo noxou Noa. No voxo ane alipaa toxoxa'a uxali uao la ta mitema mivevelu mo miie xe mitataula'i mulai mune'e mulai mutalo no anu voxou e Noa mu'unalai no lasipi. La ane'i ilavusou mii ma'ia ane sou uxali ne uasi, mixolu mixovulaulausi mulai muxali no voxo e alipaa toxoxa'a muxali mukulukene'i la mukalusi'a. No voxo sou Itema 'Olu ulivu une'e la ta mitema i'oxo'oxonu 'ili'ilixo iou vilesisi aloxo ne.