Popular Bible Verses from Mataio 16

Share

Xe Iesu muavuti la muvikalane'i ta molomolo noxou aloxo 'o, “Lexe 'ei ane umasaxa lexe umulileli la anu umulinu masaxa noxou uasi, ia une'e mo utavulenu ovu valautu loxo eni etavulenu 'o mo umulileli, mo usoli loxo eni asoli no ovu valautu.

Mo eni avikalaneni manina aloxo. Nini Pita, mo teitexi no anu lavo'o ne la eni atulusou taasou lalotu noxilo. La umomomo sou xavi no anu soli u'una no nano no anu aitengaxu lalotu ne uasi.

Mo eni alosine lakii sou aitenga sou saxisaxila'u noxou Lataua teitexi no opo loxotolo. Mii ma'ia nini nasakiinu no lia 'o la Lataua usakiinu teitexi kalumo. Xe mii ma'ia nini nalulusou no lia 'o la Lataua ululusou teitexi kalumo.”

Xo itema ane tanuxu maulixu ne, ili'i la uxovulaunu. Ia itema ane tanuxu maulixu uasi, ia uitalonu maulixu silo ne ili'i la uxali sou mauli.

Ia lexe itema vile uno'u mimii latala sou lia 'o ukalusi, xe uxovulaunu uleenu, la sou mimii sou lialia ane anu muno'u ne usu'ulinu a loxovaa? Male uasi. Mo mii ma'ia ane sou anu ulotonu uleenu no anu sou ulivulixu.

Xe Anu muavuti la mutali'i vaxa noxi'a lexe, “Ia ngingi la ngingi ngavikala lexe eni 'ena'ei?” Xe Saimoni Pita muavuti la mukolinu aloxo 'o, “Nini Kalisito, Lataua umauli utotomu 'Olu.”

Xe Iesu muavuti la muvikalanu aloxo 'o, “Saimoni, Ioanesi 'olu nini na'osa. Xo itema vile upala'alixu noxine uasi, Mamilo anu uxolu teitexi no opo loxotolo, Anusisi ane mupala'alixu noxine ne.