Popular Bible Verses from Luka 12

Share

Aloxo ne, la sou ngingi kalumo ngaxolu sou ngautitisi, xo Itema 'Olu une'e no anu voxo ngiou ane ngingi ngaxavutala lexe Anu une'e uasi.”

La sou laixe lexe ngingi ngakamulinu saxisaxila'u noxou Lataua tei, la sou Anu ulosinge mimii ane ne.

La Anu Iesu muvikalane'i aloxo 'o, “Ngasaxila'inge laixe! Xo loxo 'o io, iengi uisuisuxu mimii iouiou. Xo maulinenge a uxolu no anu mimemimengi ne uasi.”

Xo no tuala ane mimii lalaixe noxinge uai no anu ne, la tangengi a uxolu lai ne kalumo.”

Ia lexe vile no nixi noxinge ne uxavutala piena sou maulixu uxolu maxuvee sevile, la anu umomomo sou molu usukunu maulixu ulai sevile la? Uasi manina.

Iesu muvikalane'i ta mitema mukalu, la sou muvikalane'i ta molomolo noxou aloxo 'o, “Aloxo ne, la sou ngaxavutala piena no anu maulingenge mamu. Mo mamu sou ngavikala lexe, ‘Nenge ta'ou mii ma'ia xe tasakii mii ma'ia sou vasimenge?’

Xe kalumo Lataua mulavusou sou uitisou kisinge laxusou. La sou ngingi nga'ume mamu. Xo ngingi ne, ngatiatila noxi'a ta ngiala ta kitukitu'a moso ne.

Ngingi moosou e loxo ta sipsip la'oluxa'a sevile kitu'a ne, nga'ume mamu. Xo Maminge mu'osa lexe Anu ulosinge sou ngasaxila'u tuala ane anu usaxila'u.

Loxo ngaxavutalane'i ta 'ola. Ane'i ilavusou itotou no xai mo imolo la'ilali uasi. Kalumo ane'i si'a tani sou ipitanu la'ilalixa'a no anu uasi. Ia Lataua molu ulosi'a la'ilali. Io, ngingi ne, loxo ta ngiala uasi. Ngingi ngatatila manina musuku noxi'a mo ngauaulixa'a!

Aloxo ne, la sou mamu sou ngingi ngaxavutala piena no anu mii ma'ia sou nga'ou mo ngaiexu.

Ia lexe Lataua utokolomo sese seseenu ane uleme vaimomo 'o xe ne'iela la ta mitema ixotosou sou i'elaxu, la anu utokolomongengi laixe manina musuku uuaulixu sese seseenu ne. Ae, ngingi ta mitema ane ngeuaulixu ne, ngemulaxu tangengi noxou Lataua ne kitu'asi.

Mii ma'ia ane mivausou ne, ulai ili'i la upala'a no taatexa. Xe mii ma'ia ane mutalume ne, ulai ili'i la ane'i ilavusou.