Popular Bible Verses from Tavaꞌu 50

Share

Anu manina lexe ngingi ngetovo mo lexe nga'oxo masualeli sou ngakalusou maulixo, ia Lataua iou muvaxainge sou nge'oxonu 'ilixo ane ne, xo muxavutala lexe anu umasaxa lexe upamauline'i ta mitema tavu'alo.

Ia anu Iosepu mukolinu vaikalai'a aloxo 'o, “Opongengi kalaua mo nga'ume vitanisi mamu. Loxovaa, eni loxo Lataua sou akolinu 'ilixo masua noxinge ne?

Ia mii vile sou ngingi nga'umolu uasi. Eni ano 'o sou asaxila'inge ngongi'a ta 'ilinge.” La sou vaikalau muxavulala mo muxolixoli tane'i xe muvikala lailaixe mulai noxi'a.

‘Lexe ulai ili'i la nexi tavikalaneni lexe anu muvikala lexe anu mumasaxa lexe laixe nini naxiunu tumalineu 'ilixo masua ane nexi te'oxo masuaneni no anu.’ La sou vaimomo 'o, nexi ta mitema vitanisi Lataua noxou maminge nenge'a Iakovo talingaine lexe laixe nini naxiunu tumalineu 'ili'ilixo masumasua noxixe ne.” Xe anaxa'a mulai muxali noxou vimo'a Iosepu la mutama.

Xe muavuti la muvikalane'i ta vimovimou lexe, “Eni asou asoli. Ia ngaxavutala piena uasi, xo Lataua molusi usaxila'inge. Xe ili'i la sou Anu uuatulailingenge no ale sou ngaxexesou tuala ane nenge'a taxoxoo no anu 'o, sou ulailingenge no lia ane, Anu molusi muvikalane'i Avalaamu ilou Aisaki mo Iakovo tatei lexe ulosi'a maninasou.”

Xe muavuti la muvikalane'i ta vimovimou ilo'a ta xasoxasou mo ta 'ilu'ilusunu aloxo 'o la, “Eni emasaxa lexe ngingi ngapala'alixu tangengi noxilo mo ngavikalaleli maninasou lexe, Lataua molu usu'ulingengi mo sou lexe ngingi ngavulasou tuala ano 'o la ngatavulenu xileli ulai no tuala ane Lataua molu ulailingenge sou ngalai ngaxolu no anu.”

Iosepu tauu iexu muxali loxo itemaxu ta'uve mo mavulovexa vile (110), la sou anu musoli ne Aixiputo. Musoli la mi'uinu vasimolu no anu lamalasile iouiou sou mamu vasimolu u'ui palea. Mi'oxo aloxo ne xe mukalu la, miluvonu ka miaisou no nano no anu luvo.