Popular Bible Verses from Tavaꞌu 15

Share

Avalamu mumuxamuxaxu tanu noxou IAUE, la IAUE mumoxo'u lexe anu itema mulapu.

Xe ili'i la sou IAUE muxali noxou Avalamu no anu loxo aipiepiena, la mulomusou IAUE muvikalanu aloxo 'o, “Avalamu, na'ume mamu, xo eni xaliausine sou asaxila'ine no anu tu'utu'umaxu ane lexe uxali noxine, mo nini naxali itema tila manina.”

Xe ili'i la sou IAUE muno'u anu Avalamu ne sou mulailixu no ale sou muvikalanu aloxo 'o, “Ieni utelai no loxotolo mo natovo lexe naitisi'a ta oto 'o ukalusi, xo ulai ili'i la ta 'iline mo ta xasixasine mo ta 'ilusulusuneni ixali tavu'alo aloxo ne.”

IAUE mukolinu Avalamu la muvikalanu aloxo 'o, “Eliaselu e uxoxoolu noxine sou napalupalusou ne, ulai ili'i la anu ualasou utelo no anu mimii noxine uasi, 'iline vile manina ualasou utelo no anu.”

Xe IAUE muavuti la muvikalanu aloxo 'o, “Ulai aso vile la ta 'ilu'ilusuneni ne ixolu no tuala vile mo. Mo ilai ixolu no tuala vile va'axu mo. Mo ta mitema imuxaxa'a sou ipalupalusi'asi no tuala ane ne. Xoluxoluxa'a kalumo ne masuasi no nano no anu tauu ie loxo itemaxu mavulovexa tamei (400).

Ioxe, Avalamu muavuti la mukolinu aloxo 'o, “IAUE Lataua noxilo, mii ma'ia ane nini nalosilo loxo alu e nelosilo no anu. Eni ulai la asoli io, apalaa 'alixe vile sou eni ualasilo ulai ili'i la ilemolemo ua. Eliaselu sie Temasukasi ane anu sou ulai xe eni asoli, la anu ualasou utelo no anu mimii noxilo.

No voxo ane ne, la IAUE ilou Avalamu misakiinu vaikala sou opo vilesisi la IAUE muvikalanu Avalamu aloxo 'o, “Eni aitixa'a ta 'ili'iline ilo'a ta xasixasine mo ta 'ilusulusuneni lialia e pilixasou musokou no lexa ne Aixiputo la mulai mutalo ne lexa tila ne Iupileitisi.

Ta 'ilu'ilusuneni ne ilivu ilai palea uasi xo ta mitema ne Amolu ne, eni umomomo sou eni akusai'a ilai palea uasi. Ixoxoo ane 'o mo lexe 'ili'ilixo masumasua noxi'a ne lexe u'oki'oki tani, la sou eni alosi'a navunavu, xe la sou akusai'a ilai. Ia ane'i ta 'ilu'ilusuneni ne ilivu ine'e lexe tauu ie itemaxu mavulovexa tamei ukalu.”