Popular Bible Verses from Aposeli 20

Share

No anu mimii mukalusi ane eni e'oxonu, la eni elosiengi lexe no anu xaixai pekia'u io aloxo 'o, la nenge tasu'uline'i ane'i ane mamalaxa'asi. Taxavutalanu vaivaikala noxou Tila Iesu muvikala aloxo 'o, ‘Anu laixe lexe nenge ta'osa sou taitinu mii ia ta'osa sou tano'usi uasi.’”

Ia eni amaisou mauli noxilo ne anu loxo mii vitanisi noxilo. Eni amasaxa akalusou iaveiave saisale mo amomomo sou xaixai ane Tila Iesu mulosilo ne ukalu manina. Xaixai ane ne sou a'aloxu lamana a'alo laixe sou alauna noxou Lataua.

La sou ngingi menge ngasaxilainge nongi'a ta mitema noxou Lataua mukalusi loxo ta sipsip la'olu'oluxa'a ne ane Uleenu Tavuna musosovosinge sou ngasaxila'a. Ngaxali loxo ngingi ta mitema sou saxila'u noxi'a ta mitema la'oluxa'a noxou Lataua ane Anu muno'u uulusi'a no anu sialuxu.

Mo vaimomo 'o, eni a'italongengi ngalai no avolu Lataua mo ngalai no anu vaikala sou alauna noxou ane. Vaikala anu umomomo sou utulusinge pekia'u xe ulosinge mimii laixe noxou noxi'a ane'i mukalusi ane anu ta na'u manina.