Popular Bible Verses from Matyu 10

Share

Awuk ngwula. Ngwuk ngepma ngepma yivat yilɨgangwuk. Kavle waala sip sip kat valɨnda vla wundi nɨmba ngwuk kat kavle vat yigiyandi. Kamboy apma maawut yelavɨka yigumba yilɨga vak vla ngwuk wupma ay ngwula. Namiyo yilɨga vak kap ana yalɨgandɨ.

Kɨta nyan avla ndɨna mbangɨ kat mɨna yelavɨka kwo yetɨndeya vak kat mɨna yelavɨka lɨndyan ndɨ kavle yigiyandɨ. Kita nyan wuna njɨvwa kwuka ndɨna mbangɨ kat yelavɨtapman yindeyan ndɨ apma vat tɨgiyandɨ.

Ngwuk kat vatnyagiya nɨmba kat ngwuk ke vakngwa. Ndi ngwutna wundumbu kat ana vatnyagiyandi. God kat mɨna vaaka alɨ ngwula. Nɨna mbango wundumbu kat ya vɨtɨga kavamba yiga alɨpsɨga taagagiyandɨ.

God wandɨ, ndɨna njɨvwa kwupmat yawun. Nat nɨmba kai waa wun kat sɨnjeya vak kat ana vaakiyowun. Wun kat kwinda njɨvwa kwutapman yiga wuna kwupmba yalapman yindeyan wan nyan wuna mbaapma ana wuleigiyandɨ.

Kɨta nyan Jisas wuna njambwi nyana waa nat nɨimba kat wandeyan nyinangwuk tɨga wuna nyaek kat vɨlaa wan nyana sɨ waa ndɨ wuna nyana waa waigowun. Kɨta nyan Jisas wandeyan nyinangwut tɨga wuna nyaek kat waigowun. Wan nyan wuna nyan ana ndɨ waa waigowun.

Yelogwen kat tɨgiyaa nɨmba kat vɨlaa kwunak ngwula. Kiya nɨmba kat vɨlaa wangwuk mala laakiyandi. Kawia kɨga lɨgiya nɨmba kat yiga vɨlaa kwunakngwuk mala kwo lɨgiyandi. Kavle waagan tavila lɨgiyaa nɨmba kat vɨlaa savɨlɨmba ngwuk. Wunamba la kwondu kwo klangwuk. Wun kat wenga kwilaa ana klangwuk. Ngi kat tɨga yiga ndi kat kwo kwunak ngwula. Ndina wenga ke klangweya.

Ngwuk ke vatɨngwa. Ngwuk kat vɨga lɨgandɨ. Mat waavi kat ngwuk kwulatɨgangwuk.

Kan kɨpmana nɨmba kao yilɨnja vak kat kalɨpmak ana yawun. Wungi vak kat ana yawun. Awat sowat kao sɨnjangat yawun.