Nöŋön keu ölŋi kun kewö jibi mötme, “Ambazip ketaŋi moröŋi siŋgisöndok ahakzei, mi Anutunöŋ mosörakza. Lömbötŋambuk me awamŋi mepaqepaik akeak mönö mi Anutunöŋ saŋgoŋ eŋgima. Saŋgoŋ eŋgimapmö, Kunŋan Uŋa Töröŋi ilita mepaikömawi, miaŋgö siŋgisöndokŋi Anutunöŋ mönö nalö kunöŋ qahö mosötma. Saumbaŋ! Siŋgisöndok miaŋön mönö qakŋe öŋgöiga nalö teteköŋi qahö Anutugö jeŋe keuŋambuk malma.” Mewö jiyök.