Popular Bible Verses from Mak 13

Share

Kantri pakpak yeŋön nöŋgö qetnaŋgöra aka kazik ak eŋgigetka malmemö, kunŋan kapaŋ köla köhöiba böŋ qeba kinda maliga gölmegö nalöŋan tekömawi, yaŋön mönö oyaeŋkoyaeŋ buŋa qem aŋguma. Mewö.

Nalö dawinöŋ asuhumawi, mi qahö mötzeaŋgöra eŋön mönö alöm memba uruguliguli malme.

Öröba eŋguaŋgita keu jakeŋe al eŋgigetka kinmei, nalö miaŋgöreŋ keu denöwö jibinak, miaŋgö waimanjatŋi qeljiŋe kude mötme. Uŋa Töröŋan aua miaŋgöreŋök keu eŋgimawi, mönö mia jime. Nanŋine uruŋinaŋgöra keu qahö jimemö, Uŋa Töröŋan mönö uruŋini sölölöhöiga keu jime.

Suep gölmenöŋ göröŋ qemahotmö, nöŋgö Buŋa keunan mönö qahö ayapköma.’ Mewö.

Suep gölmegö azi ölŋan dawinöŋ kamawi, miaŋgö wehönŋi me aua nalöŋi mi kunŋan kun qahö mötza. Suepnöŋ garata yeŋön mi qahö mötze. Anutugö Nahönŋan mewöŋanök mi qahö mötza. Iwinöŋ nanŋök mi mötza.

Iŋini yarö mieŋgö buzupŋini aka ötöŋini asuhugetka mörakŋe. Mi möta jönömŋini kude undumakŋa. Yuai mewöŋi mi mutuhök asuhumapkö jijiŋa. Mi asuhumapmö, gölmegö nalöŋan mönö miaŋgöreŋök zilaŋ qahö teköma.

Miri toŋan dawinöŋ liliŋgöba kamawi, mi qahö mötze. Mare me suŋgem ömbibiŋe kama me? Waŋgaraŋ suruiga kama me? Wehön giaŋiiga kama me? Miaŋgö dop iŋini mi qahö mötzeaŋgöra mönö uruguliguli malme. Könöpuk wölaŋ kaiga eŋön gaun ahögetka mewö miwikŋaim eŋgibapuk. Iŋini mönö uruguliguli malme. Keu mi gwarekurupŋi eŋgöra jizali, mi mewöyök alaurupni körek pakpak eŋgögöra jizal: Iŋini mönö urugwölögwölö malme.” Mewö.

Kantri kunöŋ kantri kun eŋgubingöra wahötme. Ambazip kambu kunöŋ kambu kun yembuk aröŋ aŋgubingöra wahötme. Gölmeŋi gölmeŋi miaŋgöreŋ kenöŋ ketaŋi ketaŋi qözöla memba gölme meleŋni gemakŋa. Mewöyök bödiŋi bödiŋi (buöröŋi buöröŋi) asuhuba öŋgöba ahöma. Yuai mewöŋi mi ambi köröbuknöŋ masi könahiba eŋgumakzawaŋgö dop. Gölmegö nalöŋan mönö miaŋgö dop könahiba tekömamgö akŋa.

Ölöwak Buŋa ki mönö mutuk gölmegö kantriŋi kantriŋi pakpak yeŋgöra jim sehim tekögetkun gölmegö nalöŋan miaŋgö andöŋe teköma.

“Ambazip gwötpukŋan asuhuba nöŋgö qetne kewö jime, ‘Nöŋön Kraist akzal.’ Mewö jiba ambazip gwötpuk tilipköm eŋgime.

Mewö akŋapmö, iŋini ölöp galömŋini mem aŋguba malme. Ambazipnöŋ iŋini öröba keu jakeŋe al eŋgiba köuluk mireŋini keu nupŋini memba kömbinöŋ eŋgume. Tosatŋan nöŋgöra aka eŋguaŋgitketka kantriŋi kantriŋi yeŋgö kiŋ kembu aka premiö yeŋgö jemesoholŋine kinme. Mewö kinda nöŋgö könaŋamni naŋgöba jigetka mötme.

Mi kewögöra: Amötqeqe toŋi muneŋi aka kezapqetok ambazip takapulakaŋi asuhuba aŋgöletot aka aiwesök jemurutŋi megetka letotme. Mewö letotketka Anutunöŋ ambazip nanŋaŋgöra möwölöhöm eŋgiyöhi, i mewöyök eŋololoŋ mem eŋgimegö esapköba kapaŋ kölgetka jaŋjuŋ akepuk. Eŋön ölöpŋanök galömŋini memba malgetka mi osibeak.

Wahöjaliŋ mi teköiga nalö miaŋgöreŋök wehön jeŋan injaŋ köliga köiŋnöŋ ömuŋ kölma. Seŋgelau yeŋön suepnöhök teköba etme aka suepnöŋ uturuköiga miaŋgö öröyuaiŋi mi tatatŋini mosöta eŋololoŋ aketka sohoma.