Popular Bible Verses from LEIYENBÜ 7

Share

Kheijinei BUNYUBOUei Mosa to laukei, “Chühashi, ngei no Farao junga Mühghaü che tegü yeitida; hoba kajai Aron ka shanga thuseibü yinglabü.

Lausikei ngei Farao maang kaangtilabü, hoba ngeibü tetsida hoba seikümseilei Ijep kaodaka haatilabü, lausikei Faraoei ka to ngüha alekulabü. Kheijinei ngei Ijep to ngeibü ik atlabü hoba matjem yaangei Ijep kaodak ka kü mütli Israel shousi shuong leiyenlabü.

Hobaje ladang ngei Ijep thükto ngei ik shingan Israel shousi shuong haoen yoka leiyenlaje, kheijinei Ijepbüei ngo BUNYUBOU ki dogo ngelabü.”

Kheijinei Faraoei songngedongebü hoba huonseibü shuong ngaishaikei, hoba Ijep kaodak kabü huonseibü shuongeikei thapboseiko kho tegü kümbei. Aishanga haoen mütpem wekoei lulueibü ju attikei, hoba khübü kho pinyu la yeikei. Lausikei Aroneibü Juei haoeneibü ju pendou suian apbei.

BUNYUBOUei ho hai lauda: Hoei nyi ngo BUNYUBOU kia dogo ngelabü: Chühashi, kü ik kabü ju hoei ngei dei to ngümlabü, hoba kho sii la yeilabü.

“Ladang Faraoei ka to, ‘Nyi seikümseilei che lenashi’ dogo laulaje kheijinei nyi Aron to haoeibü ju sungan Farao thedangto tekan litikula lenshi, hoba khoei pinyu che la yeilabü.” Hibü Mosa si Aron Farao jungto haukei, hoba BUNYUBOUei sakkubü tegü kümbei. Aronei Farao si hao khangenbü thedanga haoeibü ju attikei; hoba kho pinyu che la yeikei.