Popular Bible Verses from Mak 14

Share

Ole ulɨmento, Mpohwo, kɨko yo'mayo hopi'nono ihnnehino. Olo tango nɨ'masoso wae feenɨmofo. I oso'no nje nɨmo'nyo somo inɨngkahutoho. O'o jɨje kumo'nyo somo tɨfi finɨngkayo.

Seten sekumo yamofo selohofonoho. Sekwo ngkine'no nohontohumafɨkuji sekwo yamofo ne'masoso yahino wonyo somo nopɨwesyanoho lɨkuji Mpohumo jomo ulɨmno. Sekwo wopɨngo'nohini uyano ko lɨfijoso sekwoe yokumpohn'nyo hopo'maho.

Hungkuno nehopi waselɨmo. Ango yawojo'meemo nje hungkuno wopɨngo a'amu somo ulɨkujoso olo a'mu losi ntohofiso sotnne'no ulɨfitnnefoho. Oso'no a'amu pi'nɨngo engo olo a'mu losimne'no syafɨhupitnnefoho.

Oso'no Jisas ulɨmento, Nje sɨmeho tango mokunɨmposo'njo hwo'nyoho. Tango hiloso poyo wanɨmokumtolɨkeno. Olopo sekwo ito'no fosyohumafɨkuji nohontohumamno.

Hofɨko nontanɨngkofi Jisas wopayo nomanto Anɨtumo isamoyoka ulonto kutɨkujo lohofonto hofɨkimo uyonto ulɨmento, Sekwo mapmno. Olo wosopayo loso nje a'apahofoho.

Ose ulonto kako noswanyo ipisayo mijo'njoso nomanto Anɨtumo isamoyoka ulonto inomokomoyo sohwamo uyahonɨngki hofɨko mijo nɨmentohofofoho. Jisas ulɨmento, Oloso nje honɨyofoho. A'amukune'no usɨhumahono. Olo honɨyoso ngko Anɨtu'nji sekwo'nji makotɨku'nyo'ne usɨhumahono. Nje honɨyo losomo Anɨtu uhwonɨngkuhwosi sekwo Anɨtu'nji makotɨku'nyoso ne imo'nyo'nefoho.

Jisas ulɨmento, Sekwo ngkimo nɨhwajɨkuji hiyaso wohumpeentɨfeho. Anɨtuye hungkuno mtɨ'mokumentohofo sohwa ole mtɨ'mokumentohofi, A'amu yahu sipsip mokosyohumayo sohumo fonjasyɨkujo'no yahu sohwa hiyaso wohumpeentɨfeho.

Sekwo filɨkapmno. Wohwano. Uhwonɨmno. Oso hwe ngkine'no tokoyo'ofo ntoho'maso sohwo nto pohoho.

Ose ulahonɨngki Jisas ulɨmento, Ngko hungkuno nehopi wakilɨmonne'no yohono. Olo sɨkwo'miyo lomo yɨhufo tosɨka yoka hufa'u malontanɨngkuhwosi kɨko ngkine'no hwasyo hungkuno hufa'u sɨhune ole ulɨmonnoho. Ngko Jisasɨmne'no huno maniyohoyohoho. Ose ulohojo'no yɨhufo sohwo yoka walɨmontonoho.