Popular Bible Verses from Luk 2

Share

Olo sɨkuno lomo Ntefitɨye pone engo Mpetɨlehem sopo a'mu fisi hwomu aswo makwoho. Olo mehomi lohwo a'amu sokumo asomo setɨmayo'ne hweho. Kako Kɨlais Hwe Engo huhwo sohumo Anɨtu uhwosopo'mentiso hweho.

Iyoho yahonɨngkofi a'amu ahwomomjo fihwo ulɨmento, Sekwo iyoho ikutoho. Upa'nɨmno. Ngko hungkuno wopɨngo a'amu hopi'nonohino somne'no sɨmeho wopɨngo umo'nyo'ne'nji motapohefoho.

Anɨtu ahwomo yokintahopo humaso sohumne'no isamoyoka ulano. Kakoe yofe woho'nomano. A'amu hwahoponjo humalofoso Anɨtuye sɨmeho wopɨngo umokalokwofoso hofɨko sɨmeho wopɨngo'nji wohumantɨfeho. Ose ulɨmentohofofoho.

Jisas kako engo wento kakoe huno wopɨngoso engo imo'nɨmentisofoho. A'amu hopi'nonohino so'nji Anɨtu huhwo'nji Jisasɨmo uhwonɨmentohofoso wopɨngo uhwonɨmentohofofoho.

Sekwo nowekuji wotɨpemantɨfeho. Hwomu huhwo sohumo hwapɨfemo ifohumpento yahu wopayo uyo kompusoho somo ho'nasyohoho. Oso hiso nuhwonɨngkuji sekwo huno ole waseyono. Olohohweho.

Oso hwaho hopo sopo ango pone engo momɨngo sohohnta'ni a'amu ahwomo yahu mokosyohumayo sohwa hofɨkoe yahu oso sɨkwo'miyo somo mokosyohumentanɨngkofi a'amu ahwomomjoso nu'mahonɨngki ahwomo mta'ango pomponaho engo losyahonɨngki a'amu yahu mokosyohumayo sohwa iyoho unɨmentisofoho.